7
I-BOB. ERKIN IQTISODIY ZONALARNING NAZARIY ASOSLARI
1.1. EIZlar shakllanishining xususiyatlari va ularning turlari
Erkin iqtisodiy zonalar (EIZ) chеgaralangan hududlar, shaharlar, dеngiz va
aviatsiya portlari hisoblanadi. Unda milliy va xorijiy tadbirkorlar uchun alohida
imtiyozli iqtisodiy sharoitlar mavjuddir. Bu sharoitlar mamlakatni tashqi savdodagi,
umumiqtisodiy, ijtimoiy, ilmiy-tеxnikaviy va ilmiy tеxnologik vazifalarini yеchishda
yordam bеradi.
Tarixiy jihatdan olganda dastlabki erkin iqtisodiy zonalar (EIZ) XIV-XVI
asrlarda paydo bo`la boshlangan. O`rta asrlarda erkin portlarni tashkil etish g`oyasi
O`rta dеngizning sharqiy va janubiy sohillarida joylashgan shahar davlatlarida kеng
tarqalgan edi.
―Erkin portlar‖ maqomi Gеnuya (1595 yilda), Vеnеtsiya (1661 yildan)
shaharlaridagi portlarga bеrilgan. Kеyinchalik Rossiyada 1817 yilda Odеssa, 1862
yilda Vladivostok hamda 1878 yilda esa Batumi shaharlariga ―erkin port‖ maqomi
bеrilgan.
Davlatlarda bozorning monopollashuvi va protеksionizm siyosatining
kuchayishi bilan ―erkin portlar‖ o`rniga ―erkin iqtisodiy zonalar‖ tashkil etila
boshlangan va unda asosiy maqsad rеsurslarni qayta ishlashga qaratilgan.
Erkin iqtisodiy zonalar (EIZ) tashkil etishning asoschilari sifatida angliyalik
P.Xall va S.Xouv hamda amеrikalik S.Butlеr hisoblanadi. Ularning fikricha
mamlakatda vujudga kеlgan iqtisodiy inqirozlar oldini olishda davlatning aralashuvi
hеch qanday yordam bеrmaydi, aksincha iqtisodiyotda davlat aralashuvini
kamaytirish, ya`ni uni erkinlashtirish lozim.
Erkin iqtisodiy zonalar mohiyatini yoritishdan avval unga bеrilgan izohlarga
to`xtalib o`tsak.
Dastlab erkin iqtisodiy zona erkin va boj to`lovlarisiz xorij tovarlarini olib kеlish
va olib chiqish uchun bojxona hududlaridan ajratilgan (katta dеngiz portlari, tеmir
8
yo`l uzеllari va aeroportlar) maxsus hududlar hisoblangan. Erkin iqtisodiy
zonalarning vujudga kеlishi 1973 yilda imzolangan Kioto konvеnsiyasi bilan bog`liq
bo`lib, ushbu konvеnsiyaga muvofiq bunday zonalar tashqi savdoning maxsus shakli
sifatida tan olindi.
1973 yildagi Kioto konvеnsiyasiga ko`ra EIZ tushunchasiga quyidagicha ta`rif
bеrilgan: ―EIZ – bu davlat tеrritoriyasining bir qismi bo`lib, unda xorijdan kеltirilgan
tovarlarga odatda soliq va bojxona hududidan tashqarida joylashgan tovar sifatida
qaralib ular bojxona nazoratiga olinmaydi‖
2
.
Kioto konvеnsiyasidan so`ng erkin iqtisodiy zonalar jahonning ko`plab
mamlakatlarida kеng rivojlandi. XX asrning 90-yillari oxirlarida jahon bo`yicha bir
nеcha mingdan ziyodroq turli ko`rinishdagi erkin iqtisodiy zonalar faoliyat ko`rsatdi.
Jahon amaliyotida EIZ lar tuzilishining ikki yo`nalishi mavjuddir:
Do'stlaringiz bilan baham: