Xизмaтлaр клaс

Оптик IP-тармоқларда хизмат кўрсатиш сифатини таъминлаш хусусиятлари

Зич тўлқинли/спектрал зичлаштириш (Dense Wavelength Division Multiplexing, DWDM)га эга бўлган технология томонидан тавсия этилган, етарли частота оралиғи билан биргаликда кенг тарқалган IP технологияси, IP-over-DWDM каби маълум ва кейинги авлоднинг (Next Generation, NG) Интернет тармоқларида катта масофаларга маълумотларни узатишда етакчи ҳисобланади.

DWDM – бу зич тўлқин узунлиги бўйича зичлаштириш технологияси бўлиб, жуда кўп частоталарда ѐки тўлқин узунликларида маълумотлар пакетларини бир вақтда узатиш орқали, оптик тола ресурсларидан яхшироқ фойдаланишга имкон беради.
Айрим хизматлар учун, овозли пакетларни ва видеони хақиқий вақтда узатиш каби айрим хизматларни кафолатлаш учун хизмат кўрсатиш сифатини QoS таъминлаш муаммоси, оптик магистраллар учун амалда ечимини топмаган.
Оптик DWDM тармоқларида QoSни таъминлаш муаммолари, электрон коммутаторларда ва маршрутизаторларда қўлланиладиган QoS усулларидан бир қанча фундаментал фарқ қилади.
Энг асосий фарқи DWDM қурилмаларида, кечиктирувчи оптик линияларда буферланиши мумкин бўлган пакетлар навбати концепциясининг мавжуд эмаслигидир. Кечикиш линияси (Fiber Delay Line, FDL) - бу маълум бир вақт оралиғида оптик сигнални кечиктириш учун қўлланиладиган узун оптик толали линиядир.

Оптик тармоқларда навбат альтернативаси сифатида, келгусида

маълумотларни оптик коммутациялаш йўли орқали частота оралиғини захиралаш учун сигналли ахборотларни қўшимча узатиш қўлланилади.
Оптик коммутациялаш технологиялари

DWDM технологиясига асосланган оптик тармоқ бўйлаб IP-трафикларини узатиш учун, учта асосий коммутациялаш технологияси тавсия этилган. Шунга мос ҳолда IP-over-DWDM тармоқлари қуйидагича синфланиши мумкин:
-Тўлқинли марштутизацияга эга бўлган тармоқлар (Wavelength Routing, WR);
-Пакетларни оптик коммутациялашга эга бўлган тармоқлар (Optical Packet Switching, OPS);
-Блокларни оптик коммутациялашга эга бўлган тармоқлар (Optical Burst Switching, OBS).