Xiv bob. Investitsiya loyihalarida noaniqlik va qaltislikni

Bozorni o‘rganish va tahli qilish
Bozor va marketing xar qanday kichik va mikrofirmalar uchun hal qiluvchi rolni o‘ynaydi. Har qanday yangi mahsulot yoki texnologiya xaridoriga ega bo‘lmasa, u sotilmasa uni ishlab chiqarish foydasizdir. Bozorni tahlil qilish zamonaviy har qanday korxonaning asosiy muammolaridan biridir.
Marketing tadqiqoti va marketing rejasini tuzish biznes rejaning murakkab va masuliyatli qismidir. Marketing rejasiga, eng avvalo, o‘zingiz juda puxta ishonishingiz va so‘ngra bank-moliya instituti va investorlarni ishontirishingiz kerak. Asosiy javob bo‘lib siz ishlab chiqarayotgan mahsulotga bozor va haridorlar mavjud, ularning to‘lov qobiliyatlari yetarli darajada ekanligi va mahsulotni sotilishi real bo‘lishi kerak. Agar biznes reja puxta va real raqamlarga tayansa, uning amalga oshirilishi ham real bo‘ladi. Biroq ko‘p hollarda biznes loyihalarning kasotga uchrashi ularning marketing rejasidagi kamchiliklar bilan bog‘liq bo‘ladi. Bunday muammo hatto rivojlangan mamlakatlarda ham tez-tez uchrab turadi. Siz ishlab chiqaradigan tovarga bozor mavjud va uning hajmi siz rejalashtirayotgan ishlab chiqarish quvvatlaridan kattaroq bo‘lishi kerak. Marketing rejasini tuzishda siz ko‘plab marketing materiallari, ma’lumotlari, raqobatchilar, tovaringizni ustuvorligi kabi ko‘plab masalalarni umumlashtirishingiz va tahlil qilishingiz shart.