Xitoy Xalq Respublikasi Reja

Xitoy Xalq Respublikasi
Reja:

1. 
   Xitoy Xalq Respublikasi haqida umumiy ma’lumot
   
2. 
   Xitoy Xalq Respublikasi tabiiy sharoiti va resurslari.
   
3. 
   Xitoy Xalq Respublikasi tarixi.
   
4. 
   Xitoy Xalq Respublikasi davlat tuzumi va siyosiy partiyalari.
   
5. 
   Xitoy Xalq Respublikasi xo‘jaligi
   
6. 
   Xitoy Xalq Respublikasi sanoati.
   
7. 
   Xitoy Xalq Respublikasi transporti.
   
8. 
   Xitoy Xalq Respublikasi tashqi iqtisodiy aloqalar.
   

Xitoy Xalq Respublikasi haqida umumiy ma’lumot
Xitoyliklar o‘z davlatini "Chjungo" deb atashadi, xitoy tilidan tarjima qilganda "Markaziy davlat" - degan ma’noni anglatadi. Qadimiy Xitoy aholisi o‘z vatanini butun olamni markazi deb hisob­lashgan. Xitoyliklar o‘zini "xan" deb atashadi, qadimiy Xan sulolasi avlodi deb bilishadi.
Xitoy quruqlikning 7%ini egallovchi dunyoning yirik davlatlaridan biridir. Sharqdan qarbga uzunligi 5700 km, shimoldan janubga 3650 km, quruqlik chegarasining uzunligi 21500 km, dengiz bilan chegarasining uzunligi 15000 km. Mamlakatning umumiy maydoni 9.596.960 km².
Xitoy quruqlikda shimoli-sharq va shimoli-g‘arbda Rossiya bilan, shimolda Mangoliya bilan, shimoli-sharqda KXDR bilan, shimoli-g‘arbda Qozog‘iston va Qirg‘iziston bilan, g‘arbda Pokiston, Tojikiston, Afg‘onis­ton bilan, janubi-g‘arb va janubda Hindiston bilan, janubda Myanma, Vyetnam, Butan, Nepal, Laos bilan chegaradosh.
Xitoy sohillari sharqda Sariq dengiz va Sharqiy Xitoy dengizi, janub­da Janubiy Xitoy dengizi suvlari bilan yuvilib turadi. Orollar bilan birgalikda sohil bo‘yining uzunligi 18000 km.dan ortiq.
Xitoy janubida ikkita alohida ma’muriy rayonlari - 150 yildan ortiq Buyuk Britaniya mustamlakasi bo‘lgan Syangan (Gonkong), 1557 yildan Portugaliyaning sobiq mustamlakasi bo‘lgan Aomin (Makao) joylashgan. Shartnomaga muvofiq 50 yil mobaynida ular Xitoy tarkibida "bir mamlakat - ikki tizim" tamoili asosida mustaqil iqtisodiyotni yuritishadi.
Tayvan oroli (maydoni 36 000 km², aholisi 22 mln.kishi) - Xitoy provinsiyasi bo‘lib materikdan kengligi 150 km bo‘lgan bo‘g‘oz bilan ajralgan. Amalda bu "yangi sanoatlashgan mamlakat" rivojlangan iqtisodga ega bo‘lib, mustaqil siyosat olib bormoqda.