Xitoy filologiyasi kafedrasi

Mavzuning dolzarbligi. Bugungi kunda davlatimiz rahbari biz yoshlarni zamonaviy ta’lim olishimiz, XXI asr talablariga to‘laqonli javob beradigan kadrlarni yetishtirib chiqarish uchun barcha shart-sharoitlarni yaratib bermoqda. Barkamol yoshlarni tarbiyalash va oliy ma`lumotli bo‘lishi to‘g‘risida bir qancha qaror farmonlar qabul qilindi. Mamlakatimizda chet tillarni o‘qitishning kompleks tizimi, ya’ni uyg‘un kamol topgan, o‘qimishli, zamonaviy fikrlovchi yosh avlodni shakllantirishga, respublikaning jahon hamjamiyatiga yanada integratsiyalashuviga yo‘naltirilgan tizim yaratildi.

O‘rganayotgan mamlakat tilining gramatik tizimini chuqur o’rganish, jumladan so’z turkumlarini alohida tahlil qilish tilni mukammal egallashda muhim ahamiyatga ega. Xitoy tili gramatikasidagi mustaqil so’z turkumlaridan ravishni o’rganishga o’zgacha ylndashuv talab qiladi. Xususan, mustaqil so’z turkumlari mavzusini umumiy emas, balki torroq ko’lamda tahlil qiladigan bo’lsak, zamonaviy xitoy tilida ravishning o’rni, ishlatilishi, uni tarixan o’rganish bilan bog’liq bo’lgan muammolar va muammolarni yechish bilan bo’lgan fikr, mulohazalar ushbu tadqiqotning dolzarbligini belgilaydi va ravish so’z turkumining ahamiyati kattaligini isbotlaydi. Bu borada Prezidentimiz Sh.Mirziyoyevning quyidagi so’zlari alohida ahamiyatga molikdir: “ Biz yoshlarga doir davlat siyosatni hech og’ishmasdan, qat’iyat bilan davom ettiramiz. Nafaqat, davom ettiramiz, balki bu siyosatni eng ustuvor vazifamiz sifatida bugun zamon talab qilayotgan yuksak darajaga ko’taramiz. Yoshlarni mustaqil fikrlaydigan, yuksak intellektual va ma’naviy salohiyatga ega bo’lib, dunyo miqyosida o’z tengdoshlariga hech qaysi sohada bo’sh kelmaydigan insonlar bo’lib kamol topishi, baxtli bo’lishi uchun davlatimiz va jamiyatimizning bor kuch va imkoniyatlarini safarbar etamiz ”.² O‘zbek tilidan farqli o‘laroq xitoy tilida ravish so’z turkumining predloglar ishtirokida namoyon bo’lgan ravish turkumining tegishli predlogi ravishning o’zi qo’shimchasi so’z bo’lib keladi. Xitoy tilida ravish so’z turkumining o’ziga xos xususiyatlari juda ko’p bo’lib, ularni turlicha tahlil qilish va shu yordamida o’zbek tilida xitoy tili gramatikasi yuzasidan ma’umotlar bilan boyitishning zaruriyligi mavzuning dolzarbligini belgiliydi. Ravish so’z turkumi gap bo’laklaridan hol vazifasida keladi.