Xankeldiyeva G. Sh., Muminova E. A

Mamlakatlar	Jahon reytingidagi o‘rni
YaIM foizlarida bank aktivlarining nisbati,%
Lyuksemburg	1	1550
Buyuk Britaniya	3	490
Gollandiya	6	385
O`zbekiston	81	65
Qozog`iston	117	41
Ozarbayjon	122	36
Qirg`iziston	125	32
Tojikiston	132	28

Yalpi ichki mahsulotga nisbatan bank aktivlarining ulushi bo‘yicha O‘zbekiston Respublikasi bank tizimi jahon reytingida 81-o‘rinni egallab, yalpi ichki mahsulotga nisbatan bank aktivlarining ulushi 65 %dan ortiqroqni tashkil etadi (7.6-jadval).

¹²³ O‘zbekiston Respublikasining 2035 yilgacha rivojlanish Strategiyasining konsepsiyasi. UZBEKISTAN 2035. Buyuk kelajak. 2018 y. – 259 b.
2017 yil davomida tijorat banklarining jami aktivlari 82,6 trillion so‘mga yoki 98,2 %ga o‘sdi (2016 yilda – 29 %) va 2018 yil 1 yanvar holatiga ko‘ra, 166,6 trillion so‘mni, mamlakat yalpi ichki mahsuloti hajmi 249,13 trillion so‘mni tashkil etdi.
Shu bilan birga, jami aktivlarning umumiy o‘sishi 64 %ni tashkil etdi (52,8 trillion so‘m), bu milliy valyuta kursining keskin pasayishi oqibatida yuzaga keldi. Ushbu omil ta’siri ostida bank aktivlarining yalpi ichki mahsulotga nisbati 2017 yil oxiriga kelib 67 %gacha (2016 yilda – 42,2 %) oshdi.
Milliy moliyaviy xizmatlar bozori hajmi 2014 yilgacha barqaror o‘sish tendensiyasiga ega bo‘lgan bo‘lsa-da, 2015 yilda bu ko‘rsatkichning deyarli 3 marta pasayishi kuzatiladi. Biroq 2016 yildan boshlangan o‘sish 2017 yilda 2014 yilgi darajadan ham ortib ketadi (7.7-jadval).