Xankeldiyeva G. Sh., Muminova E. A

Iqtisodiy ittifoq
iqtisodiy integratsiyaning oliy ko‘rinishi, u umumiy huquqiy me’yorlar, soliq bazasining soddalashtirilishi, ishlab chiqarish va ijtimoiy sohalarda yagona standartlarning joriy etilishi, yagona valyutaga o‘tish kabilar bilan tavsiflanadi.
“Katta yigirmalik”	20 ta yirik mamlakatlar guruhi bo‘lib, unga jahondagi eng boy mamlakatlar va yirik rivojlanayotgan davlatlar kiradi va jahon yalpi ichki mahsulotining 90 foiz ulushi ular hissasiga to‘g‘ri keladi.
Kon’yunktura	bu bozorda ma’lum bir vaqtda yuzaga kelgan iqtisodiy holat (asosan talab hamda taklif nisbati va u bilan bog‘liq bo‘lgan narxlar darajasi orqali yuzaga keladi).
Kooperatsiya aloqalari	turli soha ishlab chiqarish tarmoqlarida ma’lum mahsulotni tayyorlash bo‘yicha uzoq muddatli aloqalar o‘rnatish.
Korxonaning innovatsion salohiyati	korxonaning yangiliklarni joriy qilish yordamida bozor sharoitlarida faoliyat samaradorligini oshirish maqsadida korxonaning o‘ziga xos xususiyatlari bilan belgilanadigan rivojlanish qobiliyati.
Kredit	jismoniy va yuridik shaxslarning vaqtinchalik bo‘sh mablag‘larini muayyan tamoyillar asosida qaytarish sharti bilan foydalanishga berish jarayonida vujudga kelgan iqtisodiy munosabatlar majmui.
Modernizatsiya	ob’ektni takomillashtirish, yaxshilash, yangilash, uni yangi talab va me’yorlarga, texnik shart- sharoitlarga, sifat ko‘rsatkichlariga moslashtirish.