Xalqaro shartnomalarni tuzish

Imzolash
Muzokara
Vakolatli shaxsga davlat tomonidan yorliqning taqdim etilishi
Yorliqlar almashinuvi

Xalqaro shartnomalarning matnini qabul qilish

Muzokaralar natijasida xalqaro shartnomaning mazmuni bo‘yicha bir to‘xtamga kelingach shartnoma matni qabul qilinib, shartnoma matni tasdiqlanadi. Shartnoma matni tasdiqlanishi uni to‘g‘ri va yakuniy deb topish harakatidir. Bundan keyin shartnoma matnini o‘zgartirish yoki to‘g‘rilash bo‘yicha amalga oshirilgan harakatlar tan olinmaydi.

Bir necha mamlakatlar tomonidan tuziladigan ko‘p tomonlama shartnomalarda esa shartnoma matnini tayyorlash va uni qabul qilish odatda BMT kabi xalqaro tashkilotlar tomonidan tashkiliy ravishda amalga oshiriladi. Hozirgi kunda BMT tarkibidagi Xalqaro huquq komissiyasi deb ataluvchi maxsus bo‘lim tomonidan xalqaro shartnomalarning loyihalari ishlab chiqiladi va ular Bosh Assambleyada bo‘ladigan umumiy yig‘ilishlarda davlat vakillari tomonidan imzolanadi. Yoki bo‘lmasa, tashqi aloqalar bo‘yicha majlislarda imzolash uchun taqdim etiladi

Bir necha mamlakatlar tomonidan tuziladigan ko‘p tomonlama shartnomalarda esa shartnoma matnini tayyorlash va uni qabul qilish odatda BMT kabi xalqaro tashkilotlar tomonidan tashkiliy ravishda amalga oshiriladi. Hozirgi kunda BMT tarkibidagi Xalqaro huquq komissiyasi deb ataluvchi maxsus bo‘lim tomonidan xalqaro shartnomalarning loyihalari ishlab chiqiladi va ular Bosh Assambleyada bo‘ladigan umumiy yig‘ilishlarda davlat vakillari tomonidan imzolanadi. Yoki bo‘lmasa, tashqi aloqalar bo‘yicha majlislarda imzolash uchun taqdim etiladi

Xalqaro shartnomalar matnini autentifikatsiya qilish

Xalqaro shartnoma matnining tekshirilishiga autentifikatsiya deb ataladi. Bunda shartnomaning matni grammatik va ma’no jihatdan tekshiriladi.

Xalqaro shartnomalarni imzolash

Xalqaro shartnomaning tasdiqlanishi uchun odatda vakolatli shaxs tomonidan imzo chekilishi talab etiladi. Davlatlar o‘rtasida tuziladigan ikki tomonlama shartnomalarda imzolash jarayonida ham shartnoma matnini qabul qilish ham uni tasdiqlash bir vaqtning o‘zida amalga oshiriladi.

Ratifikatsiya

Xalqaro shartnomani imzolash har doim ham u bo‘yicha majburiyat olishga berilgan rozilikni anglatmaydi. Rasmiy shartnomalarda har doim imzolashdan so‘ng ratifikatsiya qilish masalasi ham asosiy o‘rinni egallab kelgan. Ratifikatsiya davlat tomonidan xalqaro shartnomaga yakuniy tarzda rozilik berilganini anglatuvchi eng muhim jarayon bo‘lib, muhim xalqaro shartnomalar bilan bog‘liq vaziyatlarda albatta ratifikatsiya protsessi amalga oshiriladi.