|
KAZUSLAR
Siriya fuqarosi Ahmadiy – maxsus tayyorgarlik ko‘rgan kiber-terror
guruhi rahbari, Markaziy Osiyo hududida o‘z faoliyatini boshladi. Jinoiy
guruh maqsadi siyosat, shou biznes, sport olamidagi eng mashhur
shaxslarning “Twitter”, “Instagram”, “Facebook” ijtimoiy tarmoqlarida
ro‘yxatdan o‘tgan profillari parollarini buzib, ular profilida kiber-
terrorchilik guruhining navbatdagi qaltis rejalarini tuzish hisoblanadi.
Xususan, kiber-terror guruhi Markaziy Osiyo hududida joylashgan
taniqli, tarixiy obidalarni portlatish, shuningdek mazkur obidalar
qurilishida ishtirok etgan me'morlarni qatl etishga qaratilgan video
lavhalarni joylashtirish va muxlislar o‘rtasida shov shuvli piarni amalga
oshirish bilan internetda turli xil viruslarni tarqatishdan iborat.
O‘zbekiston va Qozog‘iston davlatlari maxsus xizmat organlari
tomonidan guruhning turgan joyi, tarkibi haqidagi ma‘lumotlar olindi.
Shanhay hamkorlik tashkiloti Mintaqaviy aksilterror tuzilmasi (SHHT
MATT) va yuqoridagi davlatlarning maxsus xizmatlari rahbarlari
ishtirokidagi tezkor majlisida jinoiy guruhni yo‘q qilish bo‘yicha
operatsiya o‘tkazishga kelishib olindi. Bunda maxsus xizmatlar xodimlari
harakatlarini muvofiqlashtirish va operatsiyaga rahbarlik qilish SHHT
MATT vakiliga yuklandi.
1. Mazkur holatga baho bering.
2. SHHT MATT tashkiloti faoliyatini tartibga soluvchi xalqaro-
huquqiy hujjatlarda belgilangan huquqiy mexanizmlarni sharhlang.
3. Kiber-terror guruhi a'zolarini jinoiy javobgarlik jalb etish
masalasi qanday tartibda hal etiladi?
4. SHHT MATT tashkilotining davlatlarning ichki huquqni
muhofaza qiluvchi va boshqa organlari bilan o‘zaro munosabatlarining
o‘ziga xos xususiyatlarini yoriting.
Xitoy Xalq Respublikasining (XXR) maxsus xizmati tomonidan
XXRdan alohida Uyg‘ur avtonom Respublikasini ajratish maqsadida
separatizm va terroristik harakatlarini amalga oshirishda gumon
97
qilinayotgan fuqaro Li Qirg‘izistonda yashiringani aniqlandi. XXRning
vakolatli organlari Shanxay hamkorlik tashkilotining mintaqaviy
aksilterror tuzilmasi (ShHT MATT)ga murojaat qilib, fuqaro Lini
ushlashda ko‘mak berishni so‘radi.
Savollar: Fuqaro Lini qidiruv harakatlarini SHHT MATT amalga
oshirishga vakolatlimi? XXR maxsus xizmatining murojaati ustidan
SHHT MATT qanday qaror qabul qilishi mumkin?
Eron fuqarosi A. – maxsus tayyorgarlik ko‘rgan shaxidlar guruhi
rahbari, mahfiy yo‘llar orqali Tojikiston Respublikasi chegarasidan o‘z
guruhini o‘tkazib, mamlakatga kirib kelgan. Jinoiy guruh maqsadi
Markaziy Osiyo davlatlari poytaxtlari va yirik shaharlarida, ob'ektlarda
terroristik aktlarni tayyorlash va amalga oshirishdan iborat edi. Tezkor
yo‘llar bilan guruhning yo‘nalishi, tarkibi, teraktlar o‘tkazilishi
mo‘ljallangan shaharlar va ob'ektlar dislokatsiyasi, jinoyatchilarda
mavjud qurol-yaroq, portlovchi moddalar haqidagi ma‘lumotlar
O‘zbekiston va Qozog‘iston davlatlari maxsus xizmat organlariga kelib
tushdi. ShHT MATT va yuqoridagi davlatlarning maxsus xizmatlari
rahbarlari ishtirokidagi tezkor majlisida jinoiy guruhni yo‘q qilish
bo‘yicha operatsiya o‘tkazishga kelishib olindi. Bunda maxsus xizmatlar
xodimlari harakatlarini muvofiqlashtirish va operatsiyaga rahbarlik qilish
ShHT MATT vakiliga yuklandi. Shu bilan birga, Tojikiston Respublikasi
rasmiy idoralari, mahfiylikni saqlash maqsadida, ushbu mamlakat
hududida maxsus operatsiya o‘tkazilishi haqida xabardor etilmadi. Tezkor
tadbir jarayonida shaxidlardan biri portlovchi uskunani harakatga
keltirishga ulgurdi. Oqibatda o‘ndan ortiq insonlar hayotdan ko‘z yumdi,
ularning oltitasi – Tojikiston fuqarolari edi.
1. Mazkur holatga hukukiy baho bering. ShHT MATT tashkiloti
faoliyatini tartibga soluvchi xalqaro huquqiy hujjat haqida ma‘lumot
bering.
2. Bir qancha davlatlar hududida terroristik harakatlarni sodir
etishni maqsad qilgan shaxslarni jinoiy javobgarlikka tortish masalasini
Xalqaro jinoyat sudida ko‘rishga asos mavjudmi?
3. ShHT MATT tashkilotining davlatlarning ichki huquqni
muhofaza qiluvchi va boshqa organlari bilan o‘zaro munosabatlari
tartibini yoriting.
98
Do'stlaringiz bilan baham: |
