Xalq ta`limi tizimida ta`lim sifatini baholash sohasidagi xalqaro tadqiqotlarni tashkil etish

PIRLS - boshlangʼich 4-sinf oʼquvchilarining matnni oʼqish va tushunish darajasini baholash uchun;

TIMSS - 4 va 8-sinf oʼquvchilarining matematika va tabiiy yoʼnalishdagi fanlardan oʼzlashtirish darajasini baholash uchun;

PISA - 15 yoshli oʼquvchilarning oʼqish, matematika va tabiiy yoʼnalishdagi fanlardan savodxonlik darajasini baholash uchun;

TALIS - rahbar va pedagog kadrlarning umumiy oʼrta taʼlim muassasalarida oʼqitish va taʼlim olish muhitini hamda oʼqituvchilarning ish sharoitlarini oʼrganish uchun.

Oʼzbekiston Respublikasi Vazirlar Mahkamasi huzuridagi Taʼlim sifatini nazorat qilish davlat inspektsiyasi huzurida Taʼlim sifatini baholash boʼyicha xalqaro tadqiqotlarni amalga oshirish milliy markazi tashkil etilib, uning asosiy vazifalari va faoliyatining yoʼnalishlari etib quyidagilar belgilandi:

• 
  xalqaro tadqiqotlarni tashkil etish hamda muvofiqlashtirishda Oʼzbekiston Respublikasining vakili sifatida ishtirok etish;
  
• 
  taʼlim tizimida oʼqish, matematika va tabiiy yoʼnalishdagi fanlardan savodxonlik darajasini rivojlantirishning innovatsion metodlarini ishlab chiqish va joriy etishga yoʼnaltirilgan ilmiy izlanishlar olib borish;
  
• 
  taʼlim sifatini baholash sohasida xalqaro aloqalarni oʼrnatish, xalqaro loyihalarni ishlab chiqish va amalga oshirish, xalqaro ilmiy anjumanlar va simpoziumlarni tashkil etish va oʼtkazishda ishtirok etish;
  
• 
  taʼlim sifatini baholash sohasida fundamental va amaliy tadqiqotlar oʼtkazish;
  
• 
  taʼlim sifatini baholash boʼyicha tadqiqotlarni ilmiy va uslubiy jihatdan qoʼllab-quvvatlash;
  
• 
  umumiy oʼrta taʼlim muassasalarining xalqaro tadqiqotlarda muvaffaqiyatli ishtirok etishini taʼminlash;
  
• 
  Oʼzbekiston Respublikasining xalqaro baholash dasturlarida qayd etgan natijalarini boshqa davlatlar natijalari bilan qiyosiy taqqoslash;
  
• 
  xalqaro baholash dasturlarini taʼlim jarayoniga joriy etish boʼyicha tizimli monitoring olib borish, ushbu sohadagi ilgʼor tajribani ommalashtirish va uning asosida taʼlim muassasalari uchun tavsiyalar va qoʼllanmalar ishlab chiqishda ishtirok etish;
  
• 
  oʼqitishning innovatsion usullaridan foydalangan holda oʼqish, matematika va tabiiy yoʼnalishdagi fanlar boʼyicha pedagog kadrlarning malakasini oshirish boʼyicha oʼquv-uslubiy tavsiyalar tayyorlash.