X. Vaxobov, A. A. Abdulqosimov, N. R. Alimkulov

Nazorat savollari: 
1.
Materik geografik o’rnidagi xususiyatlari nimada? 
2.
Afrika materigida qanday yarim orollar va orollar mavjud? 

---

14 
3.
Materik tabiiy sharoitining o’zia xos tomonlari nimada? 
4.
Afrika o’rganilish tarixiga izoh bering? 
5.
Afrikaning geologik tuzilishi haqida ma’lumot bering? 
6.
Boshqa materiklarning geologik tuzilishidan farqli jihatlari nimada? 
1.3.
 
AFRIKA MATERIGI REL’EFI 
 
Tayanch so’z va iboralar: 
Gondvana, Atlas tog’lari, platforma, cho’kindi jins, 
vulkan lavalari, Geosinklinal zona, sinkliza, morfostruktura, morfoskluptura, Past 
Afrika, Baland Afrika, Kilimanjaro.
 
Afrikaning hozirgi yirik morfostruktura rel’ef shakllarining yaratilishi 
neogenda va antropogen davrining boshlarida sodir bo’lgan. Uning katta maydonini 
egallagan yassi rel’ef shakllari uzoq davom etgan peneplenlashish jarayonining 
natijasidir. Materikda tekislangan qadimiy yuzalar neogen davrida vujudga kelgan. 
Tekislangan qadimiy yuzalar va platolarning mutloq balandligi asosan shimoldan 
janubga tomon ko’tarilib boradi. Materikning asosiy tekisliklari va platolari shimoli-
g’arbda, baland tog’lari va tog’liklari janubi-sharqda joylashgan. Shuning uchun 
materik hududi yer yuzasining tuzilishi va gipsometrik balandlik xususiyatlariga 
ko’ra ikki qismga bo’linadi: birinchi qismi balandligi 1000 m dan kam bo’lgan 
Shimoli-G’arbiy Afrika yoki 
Past Afrika
deb ataladi va ikkinchi qismi balandligi 
1000 m dan ortiq bo’lgan Janubi-Sharqiy Afrika yoki 
Baland Afrika
deb ataladi. 
Bular o’rtasidagi chegara janubi-g’arbda Bengela (Angola) va shimoli-sharqda 
Massaua (Efiopiya) chizig’idan o’tadi. Materikning 70% dan ziyod maydoni tekislik 
va platolarga, 30% ga yaqin maydoni tog’ va tog’liklarga to’g’ri keladi. Tekisliklar 
kontinental va dengiz yotqiziqlaridan tashkil topgan cho’kindi jinslar bilan 
qoplangan. Afrika platformasining yadrolaridan va antiklizalaridan ko’tarilib turgan 
platolar va tog’ massivlari kristall va vulkanik jinslardan tarkib topgan.