X мавзу: Ўзбекистон Республикасининг Олий Мажлиси режа

Сенатнинг Конституцияда белгиланган мутлақ ваколатларини қуйидаги гуруҳларга бўлиб ўрганиш мақсадга мувофиқ:

Биринчи, Сенатнинг ўз фаолияти билан боғлиқ ваколатлари. Бунга: Сенат Раиси, раис ўринбосарлари, қўмиталар раислари, уларнинг ўринбосарларини сайлаш; Бош прокурорнинг тақдимига биноан Сенат аъзосини дахлсизлик ҳуқуқидан маҳрум этиш масаласини ҳал қилиш; ўз фаолиятини ташкил этиш ва палатанинг ички тартиб-қоидалари билан боғлиқ масалалар юзасидан қарорлар қабул қилиш;





Иккинчи, бошқа марказий давлат органлари таркибини тузиш билан боғлиқ ваколатлар. Бунга: Президент тақдимига биноан Конституциявий судни сайлаш; Президент тақдимига биноан Табиатни муҳофаза қилиш давлат қўмитаси раисини, Марказий банк бошқаруви раисини, чет даавлатлардаги дипломатик ва бошқа вакилларни тайинлаш ва лавозимидан озод қилиш, Бош прокурорни, Ўисоб комиссиясини раисини, Давлат хавфсизлик хизмати раисини тайинлаш ва озод қилиш тўғрисидаги Президент фармонини тасдиқлаш.





Учиничи, парламент назорати бўйича ваколатлар. Бунга: Бош прокурорнинг, Табиатни муҳофаза қилиш давлат қўмитаси раисининг, Марказий банк бошқаруви раисининг ҳисоботини эшитиш.





Тўртинчи, фуқароларнинг ҳуқуқ ва эркинлиги билан боғлиқ ваколатлари. Бунга: Президент тақдимига биноан амнистия тўғрисидаги ҳужжатларни қабул қилиш.

Жамиятни демократлаштириш ва янгилаш, мамлакатни ислоҳ қилиш ва модернизациялаш жараёнида парламент фаолиятининг тутган ўрни беқиёсдир. Ҳуқуқий давлатни барпо этиш ва фуқаролик жамиятини шакллантириш мақсадида республикамизда амалга оширилаётган сиёсий, ижтимоий-иқтисодий ва маърифий-маданий ислоҳотларнинг ҳуқуқий асосларини мустаҳкамлашда парламент қонун ижодкорлик, назорат-таҳлил ва мувофиқлаштириш каби йўналишларда ўз фаолиятини амалга оширади⁶.

1^ Constitutional and administrative law / A. W. Bradley and K. D Ewing. 13th ed. Harlow, England ; New York: Longman, c2003. – Рg. 62.

2^Dirk Peters, Wolfgang Wagner. The parliamentary control of European Security policy.European Parlament 2006. – 170 p.

3^Bradley A.W., Ewing K.D. Constitutional and Administrative Law.Pearson Education Limited 2003. – P. 206.

4^ Батафсил қаранг: Droit constitutional et libertes. Edition SIREY. 1998. – Р. 50–52.

5^ Hesse K. Grundzuge des Verfassungsrechts der Bundesrepublik Deutschland.18., erg. Aufl. Heidelberg: Muller, Jur. Verl., 1991. – 241 s.

6^Parliament and Democracy in the Twenty-first century: A Guide to Good Practice. Inter-Parliamentary Union, - Geneva. 2006.