X. E. Rustamova, M. D. Maxsumov, U. A. Tuymachev fuqaro muhofazasi va fuqaro muhofazasi tibbiyot xizmati

Tibbiy ko‘chirish bosqichi deganda -  zararlanganlar va bemorlar 
harakati  yo‘nalishida,  qabul  etish,  tibbiy  saralash  o‘tkazish,  tibbiy 
yordam  ko‘rsatish  va  davolash  uchun  yoyilgan  (joylashgan)  tibbiy 
xizmatning kuchi va vositalari tushuniladi.
FMTXda ikki bosqichli davolash-ko‘chirish ta’minot tizimi qabul 
qilingan.  Tibbiy  ko‘chirishning  birinchi  bosqichi  o‘choqda  yoki 
zararlanish o‘chog‘iga yaqin joylanuvchi BTYO, Fuqaro muhafazasi 
harbiy  qismining  tibbiyot  bo‘limlari,  ba’zi  hollarda  saqlangan 
(buzilmagan)  sog‘liqni  saqlash  muassasalari  hisoblanadi.  Birinchi 
bosqichda  zararlanganlarga  birinchi  shifokor  yordami  ko‘rsatiladi 
va  ularni  keyingi  bosqichga  ko'chirishga  tayyorlashadi.  Ikkinchi 
bosqich shahardan tashqarida, chetda kasalxonalar bazasida yoyilgan 
davolash muassasalar to‘plami hisoblanadi.  Bund a zararlanganlarga, 
bemorlarga  malakali  va  mutaxassis  tibbiy  yordami  ko‘rsatiladi  va 
ular oxirgi natijasigacha davolanadilar.
Birinchi tibbiy yordam -  zararlanish o‘chog‘ida aholi tomonidan 
o‘z-o‘ziga  va  boshqalarga,  SP  SD  shaxsiy  tarkibi  va  FM  boshqa 
tuzilmalari  tomonidan  hamda dushman  hujumi  ta’sirini yo‘qotishda 
qatnashayotgan harbiy qismlar tomonidan ko‘rsatilishi talab qilinadi. 
Bu  tibbiy  yordamning  ahamiyati  juda  yuqori,  chunki  to‘g‘ri  va 
o‘z  vaqtida  ko‘rsatilgan  yordam,  inson  hayotini  saqlash,  bemor 
og‘irlashuvining  oldini  olish  yoki  yengillashtirish  uchun  asosiy 
ahamiyatga ega.