X a b a r n o m a

---

X A B A R N O M A
Hurmatli soliq to‘lovchi !
O‘zbekiston Respublikasi Vazirlar Mahkamasining 2021 yil 24 iyuldagi
“Ish beruvchilarga ular tomonidan 25 yoshdan oshmagan xodimlar uchun to‘langan
ijtimoiy soliq summasini Davlat budjetidan to‘liq qoplab berish tartibi to‘g‘risidagi
vaqtinchalik nizomni tasdiqlash haqida”gi
460-sonli qarori ijrosini ta’minlash
maqsadida:
Ushbu nizomning 4-bandida ijtimoiy soliq hisoboti ortib boruvchi yakun bilan har
oyda hisobot davridan keyingi oyning 15 sanasidan kechiktirmasdan topshirilishini
inobatga olib, ushbu Nizom 2021 yil 1 maydan 2023 yil 15 yanvarga qadar to‘langan
ijtimoiy soliq summasini Davlat budjetidan qoplab berishga nisbatan tatbiq etilishi hamda
2022 yil dekabr oyi uchun to‘langan ijtimoiy soliq summasini qoplab berish uchun ish
beruvchi tomonidan ariza berishning oxirgi muddati 2023 yil 1 aprel kuni etib
belgilanganligi ko‘rsatib o‘tilgan.
Shuningdek, ushbu Nizom bilan ish beruvchilarga nisbatan ular tomonidan
to‘langan ijtimoiy soliq summasini qoplab berish shaklidagi qo‘llab-quvvatlash chorasi
qo‘llanilishi uchun ularning yosh xodimlari quyidagi talablarga mos kelishi shartligi
belgilab quyilgan.
- ijtimoiy soliq summasi qoplab berilishi so‘ralayotgan hisobot oyida yosh xodim
25 yoshdan oshmagan bo‘lishi;
- uzluksiz 6 oy davomida mehnat faoliyatini amalga oshirgan hamda ish beruvchi
tomonidan belgilangan tartibda ijtimoiy soliq uzluksiz to‘langanligini tasdiqlovchi hujjat
(elektron qayd) mavjudligi;
- ish beruvchi tomonidan soliq to‘lovchi sifatida ro‘yxatda turgan soliq organiga
soliq to‘lovchining shaxsiy kabineti orqali hisobot taqdim etish muddatidan so‘ng, lekin
3 oydan kechiktirmasdan ariza taqdim etilishi belgilangan;
Yuqoridagilardan kelib chiqib, sizning tashkilotingizda ushbu qaror talablariga mos
keladigan xodimlaringiz mavjud bo‘lsa belgilangan imtiyozlardan foydalanishingiz
mumkinligini hamda korxonangiz tomonidan qonunda ko‘rsatilgan davrlarda ro‘yxatda
turgan soliq organiga soliq to‘lovchining shaxsiy kabineti orqali ariza bilan murojaat
qilishingiz mumkinligi haqida xabardor qilamiz.
ESLATMA:
2021 yil “19” oktabr
19/1-46776 - son

---

Soliq qonunchiligi normalarini qo‘llash bo‘yicha qo‘shimcha savollar yuzaga kelsa
davlat soliq boshqarmasining
(62)-223-11-37 
telefon raqamiga murojaat qilish orqali
tegishli ma’lumotlarni olishingiz mumkin.
Soliq xizmati — insofli soliq to‘lovchining ishonchli hamkori!
Boshqarma boshlig‘ining 
birinchi o‘rinbosari
M.Vafayev
Ijrochi: F.Ro'zmetov
Tel.: [phone] (261)
Sana: 19.10.2021