Ўзбекистон республикаси олий ва

Psixologiya fanining asosiy vazifasi odamning psixik faoliyati qonuniyatlarini o`rganishdir. Psixologiya fani psixik hodisalarning odam hayoti va faoliyatining ob`yektiv shart-sharoitlariga bog`liq ekanligini: masalan, hayot va tarbiya sharoitlarining ta`siri bilan shaxs xarakterining qanday vujudga kelishini, unda mehnatsevarlik, o`qishga vijdonan yondoshish va shu kabilarning qanday tarkib topishini o`rganib boradi. Hozirgi zamon psixologiya fani o`sib kelayotgan yosh avlodda keng dunyoqarashni va milliy qadriyatlarimizni tashkil topishini va ularni psixologik bilimlar bilan mustahkamlashni ta`minlaydi. Psixologiya fanini bilish o`z-o`zini, o`z ruhiy hayotini, o`zining zaif yoki kuchli tomonlarini tushunib olishga yordam beradi. O`z-o`zini bilish, anglash shaxsning o`z-o`zini to`g`ri tarbiyalashini, o`z qobiliyatlarini o`stirish va o`z xulq-atvoridagi kamchiliklarga barham berishda hamda muloqot madaniyatini yaxshilashda yordam beradi.