Збекистон миллий университети

§ 3.2. Паскал тилига кириш

Паскал программалаш тили Н. Вирт (Швейцария Информатика институти профессори) томонидан 1968 йилда яратилган. 1992 йилда Bоrland фирмаси Паскал тилининг ШЭҲМдаги MS-DOSда амал ғилувчи Turbо-Pascal программалаш пакетларини чиқарди. ТП жуда кенг тарқалди ва программалаш тарихида фойдаланувчилар сонининг ошиш суръати бўйича бу тилга тенг келадигани йўқ. Буни Паскал тилида алгоритмларнинг фундаментал ва энг муҳим концепцияларининг ойдин ва тушунишга осон шаклда берилганлиги билан тушинтириш мумкин. Программа тузиш пайтида программа тузувчи унинг ихтиёрига программалаш тили томонидан бериладиган категориялар билан фикр юритади.

Паскал тилини яратишда икки мақсад назарда тутилган:

• 
  тушинарли ва табиий равишда ифодаланган бир катор фундаментал тушунчаларга асосланган программалашни ргатишга қулай бўлган тизимли предмет сифатида яратиш;
  
• 
  мавжуд бўлган ҳисоблаш машиналарида тилни ишлатишнинг ишончлилиги ва самарадорлиги.
  

Паскал программалаш тили энг муҳим иккита тамойилга асосланган:

- структурали программалаш тамойили (унга классик структурали программалашнинг асосий бошқарувчи структураларини амалга ошириш воситалари киради);
- берилганларни ташкил қилишнинг структурали тамойили (у К. Хоар томонидан таклиф этилган структурали турларнинг тўлиқ тўпламини оддий ўзгарувчилар, массивлар, кетма-кет файллар, ёзувлар, вариантли ёзувлар, кўрсаткичлар ва ундан берилганнинг янги турларини яратишнинг тараққий топган воситаларни ўз ичига олади);
Паскал программалаш тили, замонавий программалашда муҳим аҳамиятга эга бўлган, программаларнинг тўғрилигини исботловчи аналитик усулларнинг тараққий топишида катта роль уйнади. У хозирги кунгача программалашнинг тўғрилигини исботлашга имкон берадиган программалаш системаларига эга бўлган ягона тилдир.
Паскал программалаш тили, программанинг қисмлари ёки бутун программа тўғрисида турли хил мулоҳазаларни исботлашни таъминлайдиган, яхши математик аппаратга асосланган. К. Хоарнинг аксиоматик системалари ёрдамида ифодаланади. Программаларни ишлашини "созлаш"нинг эски усуллари ўрнига, хозирги пайтда пайдо бўлаётган программаларнинг тўғрилигини текширадиган автоматик системалардан фойдаланиш мақсадга мувофиқдир.
Албатта, ҳамма ўзгарувчиларни тасвирлашни талаб қилиниши ортиқча бўлиб кўриниши мумкин, лекин программа ёзиш осонлигига қараганда, унинг ишончли бўлиши муҳимроқдир.
1982 йил А. Эддиман раҳбарлигидаги ишчи гуруҳ томонидан Паскал программалаш тилининг Британия стандарти яратилди, у бугунги кунда халқаро стандартга ҳам айланди.