Замонавий психология муаммолари

Бўлиб ўтган ходисани қайд этиш. Бу усулда амалга ошиши режалаштирилган ходиса амалга ошгандек қайд қилинади. Бу усул аслида аудиторияни гипноз қилишга асосланади. Бунда мавжуд бўлмаган, амалга ошмаган воқеа ходисалар бўлиб ўтгандек тасдиқланади. М: оппозиция ўз позицияларини бой бераяпти; ...нинг рейтинги тобора пастга қараб бораяпти ва х.з. Бу ерда “Шамол бўлмаса дарахтнинг барги қимирламайди”, агар рост бўлмаса ёзишармиди, телевизорда кўрсатишармиди, деган қоида амал қилади, бу ходиса психологияда конформизм, деб аталиб, биз ҳар доим ўз фикримизни, қарашларимизни кўпчиликнинг фикрига коррекция қиламиз, тўғрилаймиз.
Оммавий ахборот воситаларининг ёпирилиб босим ўтказиши. Хозирги даврда ҳар бир одам ахборот маконида яшамоқда. Оммавий ахборот воситаларининг кундалик ахборот-маълумотлари, шунингдек бадиий ва инценировка қилинган турли кўрсатувлар, интернет материаллари ахборот-маълумотларни бузиб, буюртмачиларнинг талабига мослаб узатишади. Турли манбалардан бетўхтов узатилаётган тиғиз ахборот оқими аста-секин одамлар томонидан уни танқидий бахолаш қобилиятини сусайтириб, жараёнларда йўналиш олишни қийинлаштирмоқда. Оқибатда одам учун мантиқий фикрлаш талаб қиладиган маълумотдан кўра “ахборотнинг ҳиссийлиги” тобора муҳим аҳамият касб этмоқда. Замонавий одамнинг идроки енгил-елпи, ўйлаш талаб қилмайдиган кўрсатув ва ахборотга тобе бўлиб бормоқда. Оммавий ахборот воситалари эса бир томондан одам онгида турли бир-бирига зид, мазмун жиҳатидан ҳар-хил ўзига хос қоришмани шакллантириб, энди ўз фаолиятини ёппасига ўзи шакллантирган ўрта-миёна одам онгига мос ҳолда ташкил қилмоқда, амалда ижтимоий онг устидан ҳукмронлик қилмоқда.
Тескари алоқа. Бирон бир ҳаракатда бевосита иштирок этаётган одамлар ўз фикрларини бу ҳаракатни пассив томоша қилаётганларга нисбатан кўпроқ сценарийда тавсия қилинадиган позиция фойдасига ўзгартирадилар. Бу факт кўплаб илмий тадқиқотларда исботланган. Аксарият социологик сўров натижалари реалликдан кўра кўпроқ оддий ташвиқот манипуляцияси бўлиб ҳисобланади. Улар фикрлаш жараёнини керакли томонга йўналтиради. Бундай сўровларнинг асосий тамойили "хеч қачон ўзингизга керак бўлмаган жавобни оладиган саволни берманг", бўлиб ҳисобланади.