Urganch – 2020 O‘zbekiston respublikasi oliy va o‘rta maxsus ta’lim vazirligi urganch davlat universiteti pedagogika fakulteti

Buni yodda tuting!

«Bobur Hindistonga kelgandan keyin davlat ijtimoiy hayotida katta siljish yuz berdi va yangi hayotni boshlab bergan san’atga, ilm-ma’rifatga, arxitekturaga toza havo baxsh etgan, madaniyat va ma’naviyatni barcha sohalarini bir-biriga tutashtirib bergan buyuk shaxsdir», — deydi taniqli davlat arbobi Javaharla’l Neru.
Boburning ilmiy ma’naviy, tarixiy, adabiy merosini o’rganish va ommalashtirishda XIX-XX asrda Georg Kerr, N. Il’minskiy, O. Senkovskiy, M. Sal’e, Porso Shamsiev, Sodiq Mirzaev, V. Zohidov, Ya. G’ulomov, R. Nabiev, S. Azimjonova, A. Qayumov kabi olimlarning sa’y-harakatlari katta bo’ldi.
Buni bilasizmi!
«Boburnoma» tarixiy, adabiy, ilmiy, ta’limiy-ahloqiy meros sifatida dunyo olimlarini hozirgacha hayratda qoldirib kelmoqda.
«Boburnoma» Markaziy Osiyo va Hindistonning siyosiy- iqtisodiy, ma’naviy-ma’rifiy savdo munosabatlari, jug’rofiyasi, iqlimi, o’simlik va hayvonot dunyosi, tog’lari, daryolari, xalq- qabila va elatlari, ularning yashash sharoitlari urf-odatlari, muhim tarixiy inshootlari, hindlar va musulmonlarning ibodatxonalari, to’y va dafn marosimlari, yashash sharoitlari, xalqlarning madaniy hayotlari haqida nihoyatda nodir ma’lumotlarni o’zida qamrab olgan buyuk shoh asardir.
Bilib qo’ying!
Movarunnaharni birlashtirishga urinishlari natija bermagach Bobur ruhan qiynalgan, amaldorlarning xiyonatlari ta’sirida umidsizlikka tushgan kezlaridagi kayfiyati she’rlarida aks etgan. Keyinchalik o’z yurtini tark etib, Qobul, Hindistonga yuz tutganda Bobur ijodida Vatan tuyg’usi, Vatan sog’inchi, yurtga qaytish umidi mavj ura boshladi.
Tole yo’qi jonimg’a balolig’ bo’ldi,
Har ishnikim, ayladim xatolig’ bo’ldi.
O’z yerin qo’yib Hind sari yuzlandim,
Yorab, netayin, ne yuz qarolig’ bo’ldi.
Bobur o’zining ma’lum va mashhur asarlari bilan xalq orasiga ma’rifat yoyishga, ilm va jamoat ravnaqi yo’lida xizmat qilishga intildi. U tarix, adabiyot, ijtimoiy masalalar echimiga o’z hissasini qo’shgan olim sifatida xalqimiz ma’naviy madaniyati tarixida munosib o’rin egalladi.
O’zbekiston Prezidenti Islom Karimov
«... Mirzo Ulug’bekning umumbashariy qadriyatlarga qo’shgan hissasi beqiyos bo’lib, u bugungi kunda ham hayotimizda ulkan ahamiyat kasb etmoqda va O’zbekistonning xalqaro obro’sini oshirish yo’lida katta xizmat qilmoqda. Buyuk ajdodimiz Ulug’bek nomi berilgan ma’naviyat maskanlari, mahallalar, ko’chalar va shaharlar juda ko’p. Yurtimizda dunyoga kelib ko’z ochayotgan har o’n chaqaloqning biriga ezgu niyat Ulug’bekning muborak ismi berilyapti, deb aytsak mubolag’a bo’lmaydi.
Bularning barchasi — millatimizning buyuk allomaga bo’lgan cheksiz, hurmati va ehtiromlaridan darak beradi»⁴ .