Umumiy o‘rta ta’lim

Sabzavotlar

Piyoz. Piyoz urug‘i dalalarga kuzda sepiladi. Bahor kelib, kunlar ilishi bilan piyoz nihollari ko‘karib chiqa boshlaydi. Nihollar yagana qilinadi, oralaridan o‘sib chiqqan begona o‘tlardan tozalanadi, o‘g‘itlar solinadi, egatlariga ishlov beriladi va sug‘orib turiladi.
Pishib yetilgan piyoz avgust – sentabr oylarida yig‘ib olinadi (60-rasm). Urug‘ini olish uchun erta bahorda mayda piyozlar egatlarga ekiladi. O‘sib chiqqan to‘pgulida urug‘ hosil bo‘ladi. Iyun – iyul oylarida urug‘i pishib yetiladi.
Sabzi. Ertangi sabzi urug‘i erta bahorda sepiladi. Unib chiqqan nihollari yagana qilinadi, begona o‘tlardan tozalanib, parvarish qilinadi. Ertangi sabzi iyun – iyul


60

oylarida kovlab olinadi (61-rasm). Kechki navi iyun – iyul oylarida ekilib, oktabr – noyabr oylarida hosili yig‘ishtirib olinadi.

60-rasm. Piyoz tupi (1) va urug‘lari (2).

1 2
61-rasm. Sabzi tupi (1), ildiz mevasi va to‘pguli (2).

Ertangi sabzi kovlab olinmasa, undan to‘pgul o‘sib chiqadi. Avgust oyida urug‘lari pishib yetiladi.
Karam va pomidor. Ertangi karam va pomidor ko‘chatlari issiqxonalarda yetishtiriladi. Bahorda dala- larga ko‘chatlari ekiladi. Tuplarining tagi vaqti-vaqti bilan yumshatib turiladi, o‘g‘itlar solinadi va sug‘o- riladi. Ertangi karam may oyida yetiladi (62-rasm). Agar karam uzib olinmasa, uning o‘rtasidan o‘zagi o‘sib chiqadi va gullab urug‘laydi. Urug‘lari yetilgach, yig‘ib olinadi.
Pomidor esa iyun oxirlaridan boshlab hosil bera boshlaydi (63-rasm). Pomidorning ichida urug‘i bo‘ladi. Uning urug‘ini olish uchun pomidor o‘rtasidan ikkiga bo‘lib quritiladi va urug‘i terib olinadi.
Pomidor issiqxonalarda ham yetishtiriladi.


61

₁ 2
2
3
1

62-rasm. Karam gullari (1), ko‘chati (2)
va hosili (3).