Umumiy o'rta ta'lim sifatini oshirish: mazmun, metodologiya, baholash va ta'lim muhiti

265

 

 

"Umumiy o'rta ta'lim sifatini oshirish: mazmun, metodologiya, baholash va ta'lim muhiti"  

xalqaro onlayn ilmiy-amaliy konferensiya materiallari 

 

Boshlang‘ich  sinflarda  ta’limiy  diktant  turlari  o‘quvchilarning  yozma 

savodxonligini oshirishga xizmat qiladi. Ta’limiy diktantning sakkiz turi darsning o‘tgan 

mavzuni  takrorlash  va  yangi  mavzuni  mustahkamlash  bosqichlarida  o‘z  o‘rnida 

foydalanilsa, o‘quvchidagi mavjud bilimni yozma ifodalash ko‘nikmasini rivojlantiradi. 

Masalan,  erkin  diktant  turi  o‘quvchilar  nutqini  o‘stirish  va  fikrlash  qobiliyatini 

rivojlantirishga  xizmat  qiladi.  Erkin  diktant  o‘quvchilarni  bayon  yozishga  tayyorlaydi. 

Bayon  va  insholar  o‘quvchilarning  ijodkorlik  qobiliyatini,  badiiy  tafakkurini 

rivojlantirishga xizmat qiladi. 

Boshlang‘ich sinf o‘quvchilarida nutqiy kompetensiya elementlarini shakllantirish 

uchun dars mashg‘ulotlarida har bir o‘quvchining individual qobiliyatlarini inobatga olish 

lozim.  

Boshlang‘ich 

sinf 

o‘quvchilarida 

nutqiy 

kompetensiya 

elementlarini 

shakllantirishning dolzarbligi - o‘quvchining har qanday bilimi tajriba asosida ko‘nikma 

va malakaga aylana boradi. Tajribaga ega bo‘lgan o‘quvchi mustaqil hayotda og‘zaki va 

yozma savodxonlikka, mantiqiy, ijodiy, tanqidiy, kreativ fikrlashga erisha oladi. 

Biz bugun ta’lim berishning yangicha tizimiga o‘tar ekanmiz, biz tarbiyalayotgan 

kelajak  fuqarolari  ijtimoiy  hayotda ham  siyosiy  jarayonlarda  ham  atrofida bo‘layotgan 

voqealarga  nisbatan  ongli  va  to‘g‘ri  mushohada  qila  oladigan,  o‘rni  kelganda  shaxsiy 

munosabatini bildira oladigan, o‘z manfaatlarini Vatan manfaatlari bilan uyg‘un qo‘ya 

oladigan  o‘z  bilimiga,  imkoniyatlariga  ishonadigan,  mustaqil  fikrga  ega  sobitqadam 

bo‘lib ulg‘ayishlari shart. Chunki bugungi shiddatli, keng ko‘lamli ijtimoiy, siyosiy hayot 

jarayonlari  shuni  taqozo  etadi.  Yangilikni  kutib  emas,  yangilik  yaratib  yashashga 

o‘rganish va o‘rgatish kerak.