Umumiy o'rta ta'lim sifatini oshirish: mazmun, metodologiya, baholash va ta'lim muhiti

Matematik  to‘garak  burchagi  o‘quvchilar  bilim  saviyasining  kengayishiga 

imkoniyat  yaratishi  lozim.  Matematik  burchak,  avvalambor,  o‘quvchilar  tomonidan 

to‘garak mashg‘uloti vaqtida tayyorlangan ishlaridan namunalar to‘garak uchun kerakli 

bo‘lgan  materiallar,  turli  sohalarga  matematikaning  kirib  kelishi  haqida  o‘quvchilarga 

ma’lumot  berilishi  kerak.  Masalan,  “Oilada  matematika”,  “Maktabda  matematika”, 

“Ko‘chada  matematika”,  “Tabiatda  matematika”,  va  boshqa  joylarga  matematika 

sohasini  kirib  borganini  ko‘rsatib  turuvchi  jihozlarni  sinf  burchagida  joylashtirish 

mumkin (burchak tayyorlashda bolalar o‘yinchoqlaridan foydalanish mumkin). Bittasini 

namuna sifatida ko‘rsatib o‘tamiz: “Ko‘chada matematika” rublikasida svetofor, uylar, 

daraxtlar,  mashinalar  va  boshqa  narsalar  namoyish  qilinishi  mumkin.  Masalan, 

svetoforning ko‘rinishi to‘g‘ri to‘rtburchak, chiroqlari esa doira shaklida bo‘lib, doira va 

to‘rtburchaklar  matematik  shakllar  ekanligi  izohlanadi.  Ana  shunday  tarzda  ushbu 

burchakni  boyitib,  undan  foydalanib  borilsa,  o‘quvchi  ongida  matematik  tushunchalar 

shakllanib boradi.