Toshkent tibbiyot akademiyasi urganch filiali fakultet va gospital terapiya kafedrasi tibbiyot kasbiga kirish fanining

Qirqbo‘g‘im. Zaharli o‘simlik, o‘tkir buyrak yallig‘lanishida mumkin emas, hatto ozgina ta’sirda ham ichga qabul qilishda aniq doza talab qilinadi.
Qulmoq - zaharli o‘simlik. Aniq dozani talab qiladi, ichga qabul qilishda dozani oshirmaslik lozim.
Erqalampir. Erqalampirni katta miqdorda ichga qabul qilishdan saqlanish lozim.
Xitoy choyi. CHoyni haddan tashqari ko‘p iste’mol qilish ta’sirchanlikning oshishiga olib kelishi mumkin. Achchiq choy yurak kasalliklari, yara kasalliklari va nevrozlarda mumkin emas.
Morolquloq. Morolquloq va undan tayyorlanadigan barcha preparatlar o‘ta zaharlidir. Morolquloq tashqi qo‘llanganda ham og‘ir, hatto o‘limga olib keluvchi zaharlanish keltirib chiqarishi mumkin.
Oddiy shumurt. Zaharli o‘simlik. Ichga qabul qilishda ehtiyotkorlik talab etiladi (asosan po‘sti, mevalari, barglari).
Qoratomir. Zaharli o‘simlik. Ichga qabul qilish va ayniqsa dozada katta ehtiyotkorlik talab etiladi.
Sarimsoq. Kasallikdan holsizlangan bemorlar, qoni ko‘p kishilar va homilador ayollarga iste’mol qilish mumkin emas.
CHastets. Zaharli o‘simlik. Ichga qabul qilishda ehtiyotkorlik talab etiladi.
Katta qoncho‘p. O‘simlikning barcha qismi, ayniqsa ildizi zaharlidir. Ichga qabul qilish juda katta ehtiyotkorlik va aniq dozani talab qiladi. Faqat shifokor nazorati ostida qabul qilish lozim. Haddan tashqari ko‘p va uzoq vaqt qabul qilish ko‘ngil aynishi, qayt qilish, ich ketishi, nafas olish markazining zararlanishini keltirib chiqaradi.
Ne’matak. Ne’matak damlamasini ichga qabul qilgandan so‘ng albatta og‘izni iliq suv yoki sodali suv bilan chayqash lozim. Damlama tarkibidagi kislotalar tish emal qavatini emirishi mumkin.
Otquloq. Turin moddalar va otquloq kislotasiga ega. Tuz almashuv buzilishi (revmatizm, podagra) va ular bilan bog‘liq bo‘lgan kasalliklar, ichak yallig‘lanishi va sil kasalliklarida tavsiya etilmaydi.
Efedra. Zaharli o‘simlik. Gipertoniya kasalliklari, ateroskleroz, yurakning og‘ir organik kasalliklari va uyqusizlikda ichga qabul qilish ehtiyotkorlik talab etadi.