Toshkent davlat yuridik universitetining akademik halollik va tadqiqot etikasi kodeksi

Amaliy (Applied)
tadqiqot bevosita muammoga yechim topishga 
qaratilgan. Bu yerda tadqiqotchi oʻz tadqiqotini amaliy konteksda koʻradi. 
Ushbu tadqiqot huquqning maʼlum bir sohasi boʻyicha toʻliq tadqiqot 
oʻtkazishni, soʻngra amalda qoʻllanilgan barcha texnik huquqiy qoidalar va 
tamoyillar toʻgʻrisida maʼlumot toʻplaydi. 
64. Amaliy tadqiqotning asosiy maqsadi har qanday dolzarb amaliy 
muammoning yechimini topishdan iborat boʻlsa, fundamental tadqiqotniki esa 
hodisa haqida qoʻshimcha maʼlumot topish va shu orqali mavjud ilmiy bilimlar 
toʻplamini qoʻshishdir. 
65. 
Fundamental (Fundamental) 
tadqiqotlarda tadqiqotchi asosan 
umumlashtirish va nazariyani shakllantirish bilan shugʻullanadi. Tadqiqotchi 
faqat oʻz soʻrovi boʻyicha qoʻshimcha bilim olish uchun tadqiqot olib boradi. 
Fundamental tadqiqotda natijaning amaliy samaradorligi muhim emas. Shu 
orqali ushbu tadqiqot turi amaliy tadqiqotdan farqlanadi.
66. Ushbu turdagi tadqiqot metodologiyasining maqsadi tadqiqotning 
muayyan sohasi haqida tushunchani kengaytirishdir.
Misol uchun, tadqiqotchilar savodsizlik ishsizlikka olib kelishi boʻyicha 
asosiy tadqiqotlar oʻtkazishi mumkin. Ushbu nazariy tadqiqotlar natijalari 
ishsizlikning muayyan muammolarini hal qilishga qaratilgan keyingi amaliy 
tadqiqotlarga olib kelishi mumkin. 

---

27 
67. 
Miqdor koʻrsatkichli (Quantitative)
tadqiqot miqdorni oʻlchashga 
asoslanadi. Bu miqdor bilan ifodalanishi mumkin boʻlgan hodisaga nisbatan 
qoʻllaniladi. Hodisaning miqdoriy xususiyatlarini va ularning oʻzaro 
bogʻliqligini tizimli ilmiy tekshirish tadqiqotchidan talab etiladi. Izlanuvchi 
soʻrovnomalar, kuzatuvlar va boshqa usullardan foydalanib toʻplangan 
maʼlumotlarni raqamli koʻrinishga keltiradi. Masalan, Fuqarolik ishlari boʻyicha 
oʻrta boʻgʻin sudlarida ishlarni koʻrib chiqish muddatini va ish qoʻzgʻatilgan 
paytdan boshlab sud qarori qabul qilingunga qadar qancha vaqt ketishini 
tadqiq qilish uchun oʻtkazilgan soʻrovni olish mumkin.
68. Miqdor koʻrsatkichli tadqiqotning maqsadi oʻrganilayotgan mavzuga 
doir matematik modellar, statistikalar, nazariyalar va gipotezalarni ishlab 
chiqish va ulardan foydalanishdir. Raqamli shaklga keltirilgan maʼlumotlarni 
diqqat bilan oʻrganish natijasida kelajakni bashorat qilish va muammoga 
yechim izlash uchun oʻzgartirishlar kiritish mumkin.
69.