Toshkent davlat yuridik universiteti

Yer  huquqining  huquq  tizimining  zabardast  huquq  tarmog‘i 
bo‘lgan  fuqarolik  huquqi  bilan  aloqadorligi  katta  ahamiyat  kasb 
etadi
. Yer
 
huquqi va fuqarolik huquqining bir-biri bilan bog‘liq bo‘lishi 
negizida  yer  va  fuqarolik  munosabatlari  ijtimoiy-iqtisodiy  tabiatining 
umumiyligi 
yotadi.Yer 
munosabatlarining 
ayrimlari 
mulkiy 
munosabatlar  bo‘lganligi  uchun  fuqarolik  munosabatlari  bilan  qondosh 
bo‘ladi.  
Yer  uchastkasiga  bo‘lgan  huquq  bilan  shu  uchastkadan  olingan 
hosilga, undagi dov-daraxtlarga, inshootlarga bo‘lgan huquq, o‘zganing 
yer uchastkasidan cheklangan tarzda foydalanish (servitut) huquqi, yerga 
bo‘lgan  huquqning  sud  himoyasi,  yerga  bo‘lgan  huquqning  buzilishi 
natijasida  yetkazilgan  zararni  undirish  huquqi  o‘rtasidagi  bog‘liqlik  yer 
va mulkiy huquqlarning bir-biri bilan jips ekanligini bildiradi.  
Yerning o‘ziga xosligi va bir vaqtning o‘zida mulk ob’ekti, xo‘jalik 
foydalanish  ob’ekti  va  tabiat  ob’ekti  bo‘lganligi  yerni  muomalaga  jalb 
etish bilan bog‘liq munosabatlarni fuqarolik va yer huquqi bilan tartibga 
solishni  talab  etadi.  Yer  huquqi  yer  zahiralarining  cheklanganligidan, 
ulardan  samarali  foydalanish  va  muhofaza  qilish  talablaridan  kelib 

---

26 
 
chiqib, yer uchastkalarining muomalaga tortilish chegarasini belgilaydi, 
fuqarolik huquqi esa yer uchastkasining bir sub’ektdan boshqa sub’ektga 
o‘tish bilan bog‘liq muammolarni tartibga soladi.