Toshkent davlat yuridik universiteti

Xorijiy tajriba! 
 
Yerlardan foydalanish va muhofaza qilishni iqtisodiy 
rag‘batlantirish 
 
“Agar  sen  yerni  boqsang,  yer  seni  boqadi”  degan  naql  uzoq 
o‘tmishlardan  beri  bizgacha  yetib  kelganligi  bejiz  emas  albatta.  Buyuk 
bobokalonimiz  Amir  Temur  o‘zlarining  tuzuklarida  ya’ni  “Raiyatdan 
mol-xiroj  olish,  mamlakatni  tartibga  keltirish  va  yuksaltirish,  uning 
obodonchiligi, xavfsizligini amalga oshiruvchi kishilar tuzigi”da “kimki 
biron sahroni obod qilsa yoki koriz qursa (koriz – yer osti suvlarini tortib 
chiqarish  uchun  qurilgan  inshoot),  yo  biron  bog‘  ko‘kartirsa,    yoxud 
biron  xarob  bo‘lib  yotgan  yerni  obod  qilsa,  birinchi  yili  undan  hech 
narsa olmasinlar, ikkinchi yili raiyat o‘z roziligi bilan berganini olsinlar,  
uchinchi yili (esa oliq-soliq) qonun-qoidasiga muvofiq xiroj yig‘sinlar”
26
 
deb ta’kidlaganlar.  
 
25
 Прошлый экологический ущерб (правовые и экономические аспекты решения проблемы) / Под ред. И.Н. 
Сенчени и В.Ф.Костина. - М.: Изд-во Научного и учебно-методического центра, 2001. – С. 23-24. 
26
 Temur tuzuklari / So’zboshi muallifi va mas’ul muharrir M. Ali, forschadan tarj. A.Sog’uniy va H.Karomatov. – 
T.: “SHarq”, 2005. – B. 122.  
 

---

134 
 
 Amaldagi  Yer  kodeksi  82-moddasida  ham  rag‘batlantiruvchi 
choralar belgilangan bo‘lib, unga ko‘ra yerlardan oqilona foydalanishni 
va ularni muhofaza qilishni iqtisodiy rag‘batlantirish yer egalari, yerdan 
foydalanuvchilar  va  ijarachilarning  tuproq  unumdorligi  saqlanishi  va 
tiklanishidan, yerlarni ishlab chiqarish faoliyatining salbiy oqibatlaridan 
himoya  etilishidan  manfaatdorligini  oshirishga  qaratilgan  bo‘lib,  o‘z 
ichiga quyidagilarni oladi: 
-  yangi  o‘zlashtirilayotgan  va  meliorativ  holatini  yaxshilash 
jarayonida  turgan  mavjud  sug‘oriladigan  yerlarga  qonun  hujjatlarida 
belgilangan tartibda yer solig‘i bo‘yicha imtiyozlar berish; 
-  yerlarni  muhofaza  qilish  va  qayta  tiklash  bo‘yicha  faoliyatni 
amalga  oshirayotgan  yuridik  va  jismoniy  shaxslarga  kamchiqit  va 
resurslarni  tejovchi  texnologiyalarni  joriy  etishda  soliqqa,  kreditga  oid 
va boshqa imtiyozlar berish; 
-  yerlarning  sifatini  yaxshilashni,  ilmiy  asoslangan  almashlab 
ekishni  joriy  etishni,  qishloq  xo‘jaligi  va  o‘rmon  xo‘jaligiga 
mo‘ljallangan  yerlarning  unumdorligini  oshirishni,  ekologik  sof 
mahsulot yetishtirishni rag‘batlantirish; 
-  yer  egalari,  yerdan  foydalanuvchilar  va  ijarachilarning  aybi 
bo‘lmagan holda buzilgan yerlarni qayta tiklash uchun, zarurat bo‘lgan 
taqdirda,  respublika  byudjetidan  yoki  mahalliy  byudjetdan  mablag‘lar 
ajratish,  agrotexnika,  o‘rmon  melioratsiyasi  tadbirlari  va  tuproqni 
himoya qilish yuzasidan boshqa tadbirlar o‘tkazish; 
-  yer  egalari,  yerdan  foydalanuvchilar  va  ijarachilarning  aybi 
bo‘lmagan  holda  buzilgan  yer  uchastkalarini  vaqtincha  konservatsiya 
qilish  natijasida  ulardan  keladigan  daromadning  kamayishini  davlat 
byudjeti mablag‘lari hisobidan qisman qoplash.  
Qonunchilikda yer solig‘i bo‘yicha belgilangan imtiyozlar bir qator 
xususiyatlari  bilan  ajralib  turadi:  birinchidan,  yerdan  foydalanishning 
ijtimoiy  ahamiyati  bilan  bog‘liq  holda;  ikkinchidan,  yerlar  sifatini 
yaxishalashni 
rag‘batlantiruvchi  imtiyozlar;  uchinidan,  yuridik 
shaxslarning  alohida  maqomi  yoki  ijtimoiy-madaniy  muassasalarni 
moliyaviy qo‘llab-quvvatlash zaruriyati bilan.