Ращим щасанов

Роден Роне Франсуа Огюст

О.Роден 1840 йилда Парижда таваллуд топган ва 1917 йилда Париж яқинидаги Мёден қишлоғида вафот этган. 163 –расм. У импресионизм оқимида хайкаллар яратган. Хайкалтарошнинг ижоди буюк ижодкорлар Микеланжело ва Донателло асарларини чуқур ўрганиш асосида шаклланди. У ўзининг дастлабки “Бронза асри”, “Кале фуқоролари” асарларида ўз ғояларини дадиллик билан реалистик тарзда тасвирлай олди.

Хайкалтарошнинг 1888 йилда яратган “Мутафаккир” номли хайкали ақл-идрок, мантиқ, тафаккурнинг рамзий мазмунига айланди. 164-расм. Роден ўзининг ижоди гуллаган даврида кўплаб замондошлари, ёзувчи ва санъаткорлар образларини яратди. “Далу”, “Моцарт”, “Гюго”, “Бальзак” каби портретлар шулар жумласидандир. Бу асарларда ижодкор санъаткорларни руҳий қиёфасини, талантини тасвирлай олди. Хайкалтарошни машҳур қилган ва жаҳонга танитдирган асарлари “Бўса” (1986), “Мангу баҳор” бўлиб, уларда инсон гўзаллиги ва севги муҳаббат тараннум этилди. Унинг “Дўзах дарвозаси” сериясидаги қадимги дунё афсоналари асосида яратган композиция ва рельефлари, турли мавзулардаги қаламтасвир, офоротга доир график ишлари хайкалтарошни жаҳонга машҳур қилишда катта роль ўйнади. Роден асарлари жаҳоннинг бир қатор музейларида авайлаб сақланмоқда.


Ренуар Пьер Огюст

Ренуар П.О. ХХ аср машҳур француз ипрессионист рассоми. У 25 май 1841 йилда туғилган ва 1919 йил 17 декабрда вафот этган. 165-расм. Ренуар ёшлигидан бошлаб расм ишлашга жуда қизиққан ва чинни, парда, елпиғичларга гул босиш билан шуғулланган. Тасвирий ижодини Г.Курбе таъсирида реалистик сувратлар яратиш билан бошлаган. Ижодининг дастлабки босқичларида “Мушук ушлаган бола” (1868), “Ёз” (1869) каби сувратларида рассомни борлиқни синчковлик билан кузатгани сезилади. Ренуар асарларида хаёт шовқин-суронлари, табиат ва шаҳар манзаралари зўр эхтирос билан тасвирланади. Унинг диққатга сазовор сувратлари қаторига “Мулен де ла Галет” (1876, Париждаги импрессионизм музейида), “Яланғоч аёл”, “Жанна Самара портрети” (1876,1877 Москвадаги Пушкин номли тасвирий санъат музейида) кабиларни киритиш мумкин. 166-расм.

Рассом аёллар ва болалар расмларини ишлашга жуда қизиққан. Шундай асарлардан бири “Нонушта” (1879) деб номланади. Унинг ўз яқинларининг портретлари ҳамда автопортретлари кўп. Улар 1906-1915 йиллар давомида яратилган.