Ращим щасанов

Айвазовский Иван Константинович

Марина жанрининг устаси арман рассоми И.К.Айвазовский 1817 йилда Феодосияда туғилиб, 1900 йилда вафот этган. 159–расм. У бадиий таълимни дастлаб Петербург Бадиий Академиясининг манзарачи-рассоми М.Н. Воробевдан олган. У денгиз кўринишлари ва ундаги воқеаларни романтик тарзда тасвирлайди. Рассом 1837 йилда академия кўргазмасига қўйган асарлари учун олтин медаль билан тақдирланган ва текинга хорижга сафар қилиш имконига эга бўлган. У ўз жаҳоннинг кўплаб мамлакатларида, хусусан Италия, Франция, Миср, Америкада бўлиб, у ерларда қудратли океан ва денгиз тўлқинларни у ердаги кечки гўзал манзараларни сувнинг жимирлаб қуёш нури остида кўринишини, ойдин тундаги дарё ва денгизлардаги бетакрор гўзаллигини мохирлик билан ифодалайди. Рассомнинг “Чесмин жанги”, “Новарро жанги”, асарларида денгиз қаҳрамонларини жасоратларини акс этдиради. Унинг энг машҳур асарларидан бири “Тўққизинчи вал” (1850) деб номланади ва унда тунги бўрондан омон қолган ва кема парчалари устида сузиб юрган денгизчиларнинг қисмати драматик тарзда тасвирланади. 160 –расм. Сувратни илиқ бўёқлар билан тасвирланиши денгизчилар ажал қучоғидан қутулишларига ишонч туғдиради. Рассомнинг “Тунги бўрон”, “Шимолий денгиздаги бўрон”, “Денгиз ойдин тунда”, “Феодосияда ой чиқиши” каби асарларида тунги табиат манзаралари лирик тарзда ифодаланади. “Венеция”, “Малага”, “Радос ороли”, “Крит оролида” каби сувратлари ҳам рассом хорижий сафарлари асосида пайдо бўлган.

Айвазовский 1845 йилда Петербург Академиясининг академиги, 1847 йилда профессор илмий унвонларни олган эди. У дунёдаги бир неча хорижий академияларнинг фахрий аъзоси бўлган. Рассомнинг туғилган шаҳри Феодосияда ўзи яратган рассомлар галереясига унинг номига берилган. Унинг яратганасарлари олти мингдан ошади.


Шишкин Иван Иванович

Машҳур рус рассоми И.И.Шишкин 1832 йилда Татаристоннинг Елабуга қишлоғида туғилган. 1898 йилда Петербургда вафот этган. 161–расм. Тасвирий санъатнинг манзера жанрида ижод этган. Рус тасвирий санъатида “Передвижниклар” жамиятини асосчиларидан бири. Дастлабки бадиий маълумотни 1852-56 йилларда Москва рассомчилик, ҳайкалтарошлик ва меъморчилик билим юртида олган. 1856-60 йилларда Бадиий Академияда ўқиган.

Рассом ўз асарларида Россия табиатининг улуғворлиги, бойлиги ва гўзаллигини куйлаган. Унинг “Кесилган ўрмон” (1867), “Ўрмондаги тегирмон” (1878), “Эманзор” (1887), “қайрағазор эртаси” (1889), “қайнзор” (1886), “Буғдойзор” (1878), “Ёввойи шимолда” (1891), “Кемабоп дарахтлар ўрмони”, “қиш” номли кўплаб сувратлар яратган. Шишкиннинг асосий ишлар Киев рус санъати, Пушкин номли Москва тасвирий санъат музейи, Москва Третьяков галереясида ва бошқа бир қатор музейлардан ўрин олган. 162 –расм.
Шишкиннинг айрим асарлари Ўзбекистон тасвирий санъат музейида ҳам бор. Рассом қаламтасвир, литография, офорт усулларида ҳам ижод қилган. У академик унвонига сазовор бўлган. Бадиий Академия қошидаги манзарачи рассомлар устахонасининг раҳбари эди.