Qurilish materiallari

4. 7-rasm. Markazdan qochma (a) va puflash (b) usullarida shisha tolasi olish:
1 – eritmali vanna; 2 - eritma oqimi; 3 - isitgichli; 4 - siqilgan havo va bug' uzatiladigan moslama; 5 – sentrifuga; 6 – shisha tolasi.


Shisha tola – borosilikatli shishani yuqori haroratda eritib, diametri 0,0002–0,03 mm teshikdan tortib chiqarib, g'altaklarga o'rab olinadi (4.7-rasm). Shisha tolasining cho'zilishdagi mustah­kamligi (2000-4000 MPa). Shisha tolasining (diametri 0,04 mm) o'rtacha zichligi 40–50 kg/m³ Shisha tolasidan tayyorlangan ip, mato, namat, plita, qobig' va shu kabilar qavatlararo plitalar, pardevorlar, tom va yopma plitalar tayyorlashda issiqlik izolatsiyasi materiali sifatida ishlatiladi. Chiqindi hisoblangan chigal va katta diametrli shisha tolasidan presslab olingan shisha namatni bitum yoki smolalarda shimdirilgan mahsulot qurilish konstruksiyalarning yer osti qismini korroziyadan saqlash, issiqlik trassalarini izolatsiyalashga ishlatiladi.
Energiyatejamkor shishapaket.(4.8-rasm). Sovuq kunlarda oddiy oyna qo'yilgan xonalarda 50% gacha issiqlik yo'qotiladi va oynalarga yaqin joyda harorat past bo'ladi, bu holat «sovuq devor aktivligi» deyiladi. Hozirda ikki tipda – kichik emissiyali oyna qoplamasi ishlatiladi: К – shisha – «qattiq» qoplamali va i – shisha - «yumshoq» qoplamali. Yumshoq qoplamali oynalar yuqori samarali bo'lib, narxi arzon. Kichik emissiyali oynalarni dunyoda bir necha kompaniyalar ishlab chiqaradi. Ularning ishlab chiqarish texnologiyasi murakkab bo'lib, ishlab chiqaruvchidan yuqori mahorat talab qiladi. Ishlab chiqaruvchilar orasida Glaverbel kompaniyasi mashhur. Glaverbel kompaniyasi ishlab chiqarayotgan yumshoq qoplamali kichik emissiyali deraza oynalari – shishapaketlar uchun mo'ljallangan issiqtejamkor, shaffof va nur o'tkazuvchi paketlar uchun mo'ljal­langan. «Planibel top N» va «Planibel Ton NT» (toblash mumkin), «Energy N» va «Energy NT-neytral», qish-yoz mavsumlarida xonalarda mo'tadil haroratni ta'minlovchi hamda energiyatejamkor xossalarga ega bo'lgan «Sunergi» va «Stopray» arxitektura oynalari kiradi.