O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

Lavozim vazifalari:

–kafedra faoliyatiga umumiy rahbarlik qilish, kafedradagi o‘quv-tarbiya, ilmiy-tadqiqot, ma’naviy-ma’rifiy ishlarni samarali tashkil etish;
–kafedraning ish rejasi, kafedra professor-o‘qituvchilarining shaxsiy ish rejalari hamda kafedra faoliyati doirasidagi boshqa hujjatlarni tasdiqlash;
–kafedraning pedagog xodimlariga o‘quv yuklamalarini taqsimlash hamda ularning o‘z vaqtida va sifatli bajarilishini nazorat qilish;
–kafedraga pedagog kadrlarni tanlov asosida ishga qabul qilinishini tashkil qilish;
–ilmiy kengash va rektor huzuridagi ishlab chiqarish majlislarida qatnashish va kafedra faoliyatiga oid tegishli hisobot berib borish;
–kafedrada olib borilayotgan ilmiy-tadqiqot ishlarini nazorat qilish, ilmiy-tadqiqot ishlarini amaliyotga joriy qilish hamda uni ta’lim, fan va ishlab chiqarish bilan integratsiyasini ta’minlash;
–kafedra o‘qituvchilarining shaxsiy ish rejalaridagi o‘quv, ilmiy-uslubiy, ilmiy-tadqiqot, ma’naviy-ma’rifiy va tashkiliy-uslubiy ishlarning bajarilishini nazorat qilish;
–ilg‘or tajribalarni ommalashtirishga qaratilgan ishlarni tashkil etish;
–ta’lim jarayoniga zamonaviy pedagogik va axborot-kommunikatsiya texnologiyalarini joriy etish;
–kafedra o‘qituvchilari tomonidan o‘quv mashg‘ulotlarini zamonaviy o‘quv-texnika vositalaridan keng foydalangan holda olib borilishini amalga oshirish va o‘quv mashg‘ulotlarini sifatli o‘tishini nazorat qilib borish;
–ta’limning masofadan o‘qitish shakllari, zamonaviy dasturiy va texnologik vositalardan samarali foydalanishni yo‘lga qo‘yish;
–kafedra professor o‘qituvchilarining malakasini oshirish ishlarini tashkil etish;
–axborot-resurs markazining kafedra o‘quv fanlariga oid yangi o‘quv, ilmiy va davriy adabiyotlar bilan uzluksiz to‘ldirib borilishi va yangilanishini ta’minlab borish;
–kafedra fanlari bo‘yicha o‘quv-metodik majmualarni ishlab chiqishga rahbarlik qilish;
–kafedrada o‘qitiladigan mashg‘ulotlarning o‘quv-mavzu rejalarni, dasturlarni tayyorlash, tuzish, ularga tegishli o‘zgartirishlar va yangiliklarni kiritib borish;
–o‘quv, uslubiy va ko‘rgazmali qo‘llanmalarni tayyorlash, qayta nashr etiladigan o‘quv qo‘llanma va o‘quv-uslubiy adabiyotlarga xulosalar berish;
–kafedra mehnat jamoasida sog‘lom ma’naviy muhitni shakllantirish, ahil-inoqlikni
mustahkamlash bo‘yicha faoliyat yuritish;
–sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

2.