O‘zbekiston Respublikasi Maktabgacha ta’lim tizimi xodimlari asosiy lavozimlarining malaka tavsiflarini tasdiqlash to‘g‘risida

Bilishi lozim:

–o‘z faoliyatiga taalluqli Nizom, yo‘riqnomalar va me’yoriy hujjatlarni, institut ichki tartib-qoidalari, me’yoriy hujjatlarni bilishi.

3. Malaka talablari:

–namunaviy shaxsiy fazilatlarga-intellekt, madaniyatli, ijodiy qobiliyatlar, xushmuomalalik va tashabbuskorlik qobiliyatlariga ega bo‘lish, mas’uliyat hissi, mustaqil qaror qabul qilish xususiyatlariga;
–eng kamida o‘rta maxsus ma’lumotiga ega bo‘lishi;
–o‘z sohasiga tegishli masalalar bo‘yicha axborot va ma’lumotlardan xabardor bo‘lishi
zarur.

41. §. Maktabgacha ta’lim tashkilotlari direktor va mutaxassislarini qayta tayyorlash va ularning malakasini oshirish instituti metodisti lavozimining malaka lavozim tavsiflari

Tartib raqami	3767
Mashg‘ulotlarning milliy standart klassifikatori bo‘yicha kodi	2351
Xodimlar toifasi	Mutaxassis

1. 
   Lavozim vazifalari:
   

–bo‘limning yillik ish rejasini tuzishda ishtirok etish va ularning ijrosi yuzasidan yuklatilgan vazifalarni o‘z vaqtida bajarish;
–biriktirilgan yo‘nalish bo‘yicha nashr etiladigan yoki yangi yaratilayotgan metodik qo‘llanmalarni tahrir qilish;
–maktabgacha ta’lim tizimi uchun yaratiladigan didaktik, ko‘rgazmali qurollar, ta’limiy o‘yin va o‘yinchoqlardan foydalanish to‘g‘risida metodik qo‘llanmalar va tavsiyalar tayyorlash;
–o‘yinchoq va ko‘rgazmali qurollar ishlab chiqaradigan korxona va tashkilotlar bilan hamkorlik ishlarini yo‘lga qo‘yish;
–maktabgacha ta’lim tashkilotlarida tashkil etilgan qisqa muddatli guruhlarning ta’lim- tarbiya jarayonini tashkil etishga oid metodik qo‘llanmalar tayyorlash va ularga amaliy yordam berish;
–badiiy texnik kengashga taqdim etiladigan ta’limiy o‘yin va o‘yinchoqlar, o‘yin vositalari, ko‘rgazmali qurollarni amaliyotda qo‘llash usullarini o‘rganish va ekspertiza xulosalarini tayyorlash;
–maktabgacha ta’lim tizimida ilg‘or pedagogik tajribalar va axborot-kommunikatsiya texnologiyalaridan foydalanish samaradorligini oshirish bo‘yicha seminar, trening va ochiq o‘quv mashg‘ulotlarini tashkil etish hamda mazkur seminar-treninglarda ta’lim mazmunidagi yangiliklar to‘g‘risidagi ma’ruzalar bilan qatnashish;
–ilmiy-metodik kengashga taqdim etilgan qo‘llanmalarni o‘rganish, ularga taqriz berish hamda kengash muhokamasiga taqdim etish;
–maktabgacha ta’limga qamrab olinmagan bolalarni oilada maktab ta’limiga tayyorlash bo‘yicha ota-onalar uchun tavsiyalar tayyorlash;
–zamonaviy pedagogik texnologiyalarni o‘quv jarayoniga joriy etishga yo‘naltirilgan tadbirlarni o‘tkazish;
–maktabgacha ta’lim tashkiloti mudiri, hamshira va oshpazlarining tarbiyalanuvchilarni sog‘lom ovqatlantirishni tashkil etishni takomillashtirish yuzasidan malakalarini oshirish hamda unga oid metodik qo‘llanmalar yaratishda ishtirok etish;
–sanitariya-gigiyena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

2.