„O‘qituvchi nashriyot-matbaa ijodiy uyi toshkent-2020

2-topshiriq.
 
Matnga mos sarlavha tanlang. 
1. Baxtli hayot poydevori. 
2. Baxtli hayot omillari.
3. Yoshlar baxtni qanday tushunadi? 
4. So‘rovlar natijasi.
3-topshiriq.
„
Pul va mashhurlik baxtli hayotning asosi bo‘la oladimi?“ 
mavzusida debat uyushtiring. O‘z qarashlaringizni quyida berilgan fikrlar asosida 
himoya qilishga urinin
g.
– insonning turmush o‘rtog‘i va farzandlari bilan yaxshi aloqalari, 
yaqin do‘stlarning borligi, sog‘lom bo‘lishi – oilaviy baxt asosi;
– spirtli ichimliklar va tamaki chekish insonni sog‘lig‘idan ayiradi, 
uning tushkunligiga sabab bo‘ladi, tinch hayotini buzadi;
– yoshi kattalarning fikricha, mol-dunyo va boshqa narsalar yosh 
o‘tgani sayin ahamiyatini yo‘qotadi. Keksalar yoshlardan ko‘ra ko‘proq
hayotni ko‘rgan va tajribaga ega;
– hayotda pul ham ma’lum darajada qiymatga ega, chunki uning 
vositasida orzularingga erishasan;
– pul ba’zan odamiylik rishtalarining uzilishiga sababchi bo‘ladi;
– puling bo‘lsa, hammaga yoqasan;
– ko‘pchilik pul to‘plash uchun o‘z sog‘lig‘ini yo‘qotadi, keyin sog‘li-
g‘ini tiklash uchun pul sarflaydi;
– pul oilaviy farovonlikni ta’minlaydi;
– baxtsizlik muammosi pulga ehtiyojmandlikdan kelib chiqadi.
http://eduportal.uz

---

93
4-topshiriq.
 
Hayotda kimgadir kerak ekanligingizni his qilganmisiz? O‘z 
mulohazalaringizga tayanib, baxtli hayot formulasini tuzing.
TO‘G‘RI QAROR
Bir rassom chiroyli rasm chizdi. Tepasiga „Kim bu rasmda biror 
kamchilikni ko‘rsa, qizil qalam bilan belgi qo‘ysin“, – deb yozdi va uni 
ko‘pchilik yig‘iladigan joyga ilib qo‘ydi. Biroz vaqtdan so‘ng xabar olsa, 
rasm belgilar ko‘pligidan loladay qizarib ketibdi. Rassom xafa bo‘lib, o‘z 
ijod mahsulidan voz kechmoqchi ekanini ustoziga aytdi. 
– Yo‘q, – dedi ustozi, –- yaxshisi, sen iborangni o‘zgartirib, „Kim 
rasmda kamchilik ko‘rsa, iltimos, uni tuzatsin“, – deb yozib qo‘y.
Rassom shunday qildi. Buni qarangki, oradan bir necha kun o‘tsa-da, 
rasmda hech qanday qizil belgi yo‘q edi.
– Ko‘rdingmi? – deb jilmaydi ustoz. – Bu hayotda xato topadigan 
odamlar juda ko‘p, ammo shu xatoni tuzatadigan – isloh qiladiganlar 
juda oz.
–