Нормал физиология курсига кириш

Кичик постсинаптик потенциаллар. Ҳаракатлантирувчи нерв охирларида 
қўзғалгандагина эмас, балки тинчлик ҳолатида ҳам ацетилхолин ажралиб туради. Фарқи 
шуки, тинчлик ҳолатида синапс ѐриғига озгина ацетилхолин чикқди. Айни пайтда 
ажралиб чиқадиган озгина медиатор-ацетилхолин «квантлари» таъсирида постсинаптик 
мембрана кучсиз деполяризацияланади, бунинг натижасида кичик (минатюра) 
потенциаллар юзага келади. Бу кичик потенциаллар амплитудаси қарийиб 0,5 мв, яъни 
ҳаракат потенциалининг амплитудасига нисбатан тахминан 50-80 баробар кам. Кичик 
потенциаллар фақат нерв-мускул синапсидагина эмас, балки МНТ даги бошқа
синапсларда ҳам кузатилган. 
Нерв-мускул синапсига кураренинг таъсири. Шундай моддалар ҳам борки, улар 
холинорецепторлар билан ацетилхолиндан ҳам маҳкамроқ боғ ҳосил қиладилар. Уларга 
кураре ва бошқа баъзи бирикмалар (д-тубо-куранин, диплацин, флакседил ва б.) киради. 
Улар мускулга таъсир этгач, холинорецептив субстанция блокадаланиб қолади ва 
натижада нерв импулси ҳам,
сунъий йўл билан қуйилган ацетилхолин ҳам мускул 
толасини қўзғата олмайди. 
Яқингача нерв-мускул синапсига кураренинг таъсир этишини ўрганиш фақатгина
назарий аҳамиятга эга эди, холос. Бироқ, жаррохликнинг тез ривожланиши муносабати 
билан табиий нафас олишни тўхтатиб қўйган ҳолда операциялар қилиш имконини 
берадиган воситаларни қидириш зарурияти туғилди. Шундан сўнг кураре ва унинг 
ҳосилаларидан кенг ва самарали фойдаланила бошланди. 
Ҳозир кўкрак ва қорин бўшлиғидаги кўпгина операциялар клиникада курарега 
ўхшаш таъсир этувчи препаратлар билан нерв-мускул блокадаси фонида сунъий нафас 
олдириш шароитида ўтказилмоқда. 
Холинорецепторлар билан янада кучли боғ ҳосил қилувчи токсин, бу илон заҳари 
токсинидир. 
Нерв-мускул синапси чарчаганда ўтказилишнинг бузилиши. Нерв толалари узоқ 
таъсирланганда мускул, айниқса, нерв чарчаши туфайли қузғалишларни ўтказиш 
қобилиятидан маҳрум бўлишидан анча олдин нерв-мускул бирлашмасининг импулс 
ўтказиши бузилади. Бунинг сабаби шундаки, нерв узоқ таъсирланганда нерв охирларидаги 
заҳира кескин даражада камаяди, шу сабабли ҳар бир импулсга ажралиб чиқадиган 
ацетилхолин миқдори камаяди ва шунга яраша постсинаптик потенциаллар ҳам бўсағадан

---

40 
паст даражасигача камаяди. Бундан ташқари, нерв узоқ вақт таъсирланса, постсинаптик 
мембранани ацетилхолинга бўлган сезгирлиги камаяди.