Nizomiy nomidagi toshkent davlat pedagogika universiteti zamonaviy uzluksiz ta

 ЗАМОНАВИЙ УЗЛУКСИЗ ТАЪЛИМ СИФАТИНИ ОШИРИШ: ИННОВАЦИЯ ВА ИСТИҚБОЛЛАР
 
77 
ХАЛҚАРО МИҚЁСИДАГИ ИЛМИЙ-АМАЛИЙ КОНФЕРЕНЦИЯ МАТЕРИАЛЛАРИ 
maximize individualization of work with gifted students, the use of information technology is a 
modern requirement in all areas. 
Key words. Pedagogy, leadership, gifted student, professional qualifications, student 
conditions, intellectual elite. 
Кириш. Олий таълим ва унинг ривожига катта эътибор қаратилаётган бугунги кунда 
ҳар бир олий ўқув юрти олдидаги долзарб вазифалардан бири, бу шубҳасиз билимли, тезкор 
фикрлайдиган, ташаббускор ва ўз фикри ва қарашларига эга, бир сўз билан айтганда ҳар 
тарафлама рақобатбардош кадрларни тайёраш ҳисобланади [1]. Айнан шундай салоҳиятга 
эга кадрларни тайёрлашда муваффаққиятга эришишнинг бирламчи калити иқтидорли 
талабаларни излаш, аниқлаш ва уларни мақсадли тайёрлаш ҳисобланади. 
Зеро, иқтидорли ёшларни аниқлаш ва уларни мақсадли тайёрлаш Ўзбекистон 
Республикасининг ижтимоий ва иқтисодий тараққиётини белгилашда, қолаверса, 
Республикамизнинг жаҳон ҳамжамиятида тутган ўрнини янада мустаҳкамлашда муҳим 
аҳамият касб этади [2]. 
Ишнинг максади. Олий ўқув юртининг бир неча факультети талабалари ўртасида 
мавзуга оид ўтказилган сўровнома натижаларининг комплекс таҳлилига асосланиб, олий 
ўқув юртларида иқтидорли талабаларни аниқлаш ва улар билан ишлашда қандай омилларга 
асосланиш кераклигини талабалар нуқтаи назаридан баён қилиш.  
Материал ва усуллар. 2018-2019 ўқув йили давомида Тошкент педиатрия тиббиёт 
институти Нукус филиалининг 5 турли (даволаш, педиатрия, стоматология, тиббий 
санитария ва олий малумотли ҳамшира) факультетларида таҳсил олаётган 500 талабадан 
ушбу мавзу бўйича олинган сўровнома натижалари ва талабаларнинг қўшимча билдирган 
фикрлари ишнинг текшириш объекти қилиб олинди. Бунда ҳар бир талабадан бир хил 
турдаги савол ва жавоб варянтларидан ташкил топган сўровномага жавоблар олинди ва 
уларнинг мавзуга оид мустақил фикри сўралди. Сўровномада 3 та савол бўлиб, дастлабки 2 
саволда 9 тадан жавоб варянтлари берилди ва ҳар бир саволга 3 тадан жавоб танлаш, учинчи 
саволга эса таклиф ва фикрлар билдириш кераклиги белгилаб кўйилди. Талабалар 
сўровномада кўп белгилаган жавоб варянтлари ва кўп такрорланган фикрлар ажратиб олинди 
ва уларга ишлов берилди.