Navoiy davlat pedagogika instituti jismoniy tarbiya fakulteti tibbiy bilim asoslari kafedrasi

7-masalaga javob. 1. Klinik va laboratoriya belgilariga qaraganda bemorda gemolitik kamqonlik (taloq kattalashgan, retikulotsitlar va bilirubin kupaygan) bor. Siydikning qora rangda bo‘lishi va isitma qon tomir gemolizini ko‘rsatadi. Neytrofilli leykotsitlarning bo‘lishi (eritrotsitlarning qon parchalanishidan paydo bo‘lgan leykomoidli reaksiyasi) o‘tkir gemoliz borligini ko‘rsatadi. Gemolitik kamqonlik belgilari paydo bo‘lishini nafas yo‘llarining o‘tkir yallig‘lanishidan deb o‘ylash mumkin, bu ko‘pincha Virusli infeksiyadan keyin paydo bo‘ladi. Autoimmun gemolitik kamqonlikning patogenetik mexanizmida eritrotsitlarga nisbatan antitelalar hosil bo‘ladi.

2. Autoimmun gemolitik kamqonlikni keltirib chiqargan eritrotsitlardagi autoantitelalarni aniqlab tashxis qo‘yish uchun kumbs sinamasi qo‘llaniladi.

8-masala. 60 yoshli bemor bo‘shashish, sal harakat qilsa hansirab qolish, isitmasi 37,8—38°S gacha ko‘tarilishidan shikoyat qiladi. Gipertoniya kasalligi bo‘lganligi uchun bir yil davomida dopegit ichib yurgan. Obyektiv tekshirilganda terisi och sariq rangda, jigari va talog‘i kattalashgan. Qon analizi: Nb—58 t/l, E—1800000; rang ko‘rsatkichi — 1,1, L—9,2—10⁹/l formulasi o‘zgarmagan, trombotsitlar — 250x109/l, re­tikulotsitlar— 38%, bilirubinning to‘g‘ri bo‘lmagan-fraksiyasi — 62 mkmol/l.

1. Qaysi kasallik to‘g‘risida o‘ylash mumkin?

2. Qaysi usul bilan davolash yaxshi natija beradi?

a) qon zardobidagi temir miqdorini aniqlash;

b) prednizolon bilan pulsterapiya qilish;

v) prednizolon bilan immunodepressantlar be­rish;

g) taloqni olib tashlash;

d) plazmoforez qilish.

3. Davolash uchun kanday usulni kullash kerak?