Модуль номи: Жаҳон савдо ташкилоти ҳуқуқи № Казуслар

A.M.Хакимов

	G davlati 2015-yilda qabul qilgan “Dekda mablag’lari to’g’risida”gi qonunida tovar belgilari bilan bog’liq 11-moddani kiritdi. Ushbu moddaga ko’ra, G ning asosiy dushman davlatlaridan biri bo’lgan Trogon (JSTga a’zo emas) davlatida o’z mulki va tadbirkorlik faoliyatiga ega bo’lgan jismoniy va yuridik shaxslar tomonidan ishlab chiqarilgan mahsulotlarning tovar belgilari Trogon davlati qonunchiligiga asosan bekor qilingan bo’lsa, ushbu tovar belgilaridan G davlatida ham foydalana olmasliklari kerak bo’lar edi. Shuningdek, har qanday sud yoki sudya ularning o’sha bekor qilingan tovar belgilariga bo’lgan huquqlarini tan olmasligi lozim edi. Ushbu qonunchilik qoidalari JSTga a’zo bo’lgan Esta va Festa davlatlari tomonidan keskin tanqid ostiga olindi. Chunki ushbu mamalaktlarning ko’plab tadbirkorlari Trogon davlatida tadbirkorlik qilishar va ular tomonidan ishlab chiqariladigan mahsulotlarning tovar belgilari Trogon davlati tomonidan bekor qilib yuborilgan edi. Vazifa. Esta va Festa davlatlari JSTga murojaat qilishmoqchi. Ammo ushbu davlatlarning huquqshunoslari aynan qaysi JST kelishuvlari va boshqa konvensiyalardan foydalanishni bilishmayapti. TRIPS kelishuvi hamda 1967-yilda yangi tahrirda qabul qilingan Parij konvensiyasiga asoslanib da’volarini shakillantirishda ko’maklashing.	A.M.Хакимов
	Ansor davlati “O'simliklarni himoya qilish to'g'risida”gi qonun va “O'simliklarni himoya qilish to'g'risidagi qonunni qo'llash qoidalari”ga asoslanib, Ansor davlatiga Mustaka davlatidan olib kelinayotgan sakkizta xom meva (o’rik, gilos, olxo’ri, nok, qovun, shaftoli (shu jumladan qizil shaftoli turini ham), olma va yong'oq) ni olib kirishga taqiq qo’ydi. Odatda boshqa mamlakatlardan yong'oq, shu jumladan qizil shaftolini hech qanday tekshiruvlarsiz import qilish taqiqlanadi. Chunki aynan ushbu mevalarda Ansor davlatida mavjudligi tasdiqlanmagan zararkunandalar (kuyaning bir turi) mavjud bo’lishi mumkin. Ansor davlati agar eksport qilayotgan Mustaka davlatida tegishli choralar ko'rilsa, import taqiqi bekor qilinishini bildirdi. Taqiqni olib tashlash uchun amalga oshirilishi kerak bo’lgan chora-tadbirlar Ansor davlatining Qishloq xo’jaligi vazirligi tomonidan ishlab chiqilgan “Navlar bo’yicha sinovlarni o’tkazish yuzasidan ko’rsatmalar” asosida amalga oshirilishi kerak. Ya’ni mahsulot, urug', olma va boshqalarda insektitsid sinovini o'tkazish kerak. Masalan, olma uchun ham uning turli navlari bo’yicha alohida-alohida sinovlarni o’tkazish talab qilinadi. Ushbu harakatlarni haddan oshish sifatida baholagan Mustaka davlati JSTga murojaat bilan chiqmoqchi. Vazifa. Mustaka davlati huquqshunoslari ichida Qishloq xo’jaligi kelishuvi hamda SPS kelishuvini yaxshi biladiganlar yo’q. Shu sababli, ushbu mamlakatga SPS va Qishloq xo’jaligi kelishuvining tegishli moddalaridan foydalangan holda o’z vajlarini tizimlashtirib olishda yordam bering.