Laboratoriya jumıs №1

6. Isıtıw usılı.

Bul usıl spora payda etiwshi batsillardı spora payda etpeytug`ın mikroorganizmlerden ajıratıwda qollanıladı. u`yrenilip atırg`an material 800S temperaturada suw banyasında 10-15 minut dawamında ısıtıladı. Bunda vegatativ formadag`ı mikroorganizmler nabıt boladı, sporalılar bolsa saqlanıp qaladı. Arnaulı azıqlıq ortalıqqa ekkende kerekli kul`turalardı alıw mu`mkin.

7. Bakteriostatik usıl (İngibirleu usılı) Bul usıl ayırım ximiyalıq birikpeler ha`m antibiotiklerdin` mikroorganizmlerge ha`r tu`rli ta`sir etiw qa`siyetlerine tiykarlang`an. Bul birikpeler ayrım mikroorganizmlerdi o`siwden toqtatıwı, al basqalarına bolsa keri ta`sir ko`rsetpeydi. Ma`selen, azg`antay penitsillin kontsentratı grammusbat mikroorganizmlerdin` o`siwin toxtatadı, biraq grammanfiy bakteriyalarg`a ta`sir etpeydi. Penitsillin menen streptomitsin aralaspası, jipsiman zammarıqlar ha`m ashıtqılardı bakterial floralardan tazalaw qa`siyetine iye.
8. Sul`fat kislotası (0,5% li eritpesi) ko`p mikroorganizmlerdi tezde o`ltiredi,tuberkulez tayaqshaları bunday jag`dayda jasap qaladı.
9. Bayıtıw usılı. u`yrenilip atırg`an material,mikroorganizmlerdin` belgili tu`rin anıqlaw ushın elektiv azıqlıq ortalıqlarg`a egiledi.


Anaerob mikroorganizmlerdin` taza kul`turasın alıw
1. Fizikalıq usıl Mikroorganizmlerdi kislorodsız jag`dayda o`siriwge tiykarlang`an bul usıl to`mendegilerden ibarat.
1. Ekpeni quramında tez oksidlenetug`ın, redutsent birikpeler bolg`an ortalıqqa egiw;
2. Mikroorganizmlerdi qattı azıqlıq ortalıqtın` tu`bine egiw;
3. Anaerob mikroorganizmler o`stiriletug`ın ıdısdag`ı hawanı mexanik usılda sorıp alıw.
4. mikrob o`stiriletug`ın ıdıstı indifferent gaz benen toltırıp ıdısta kislorodsız ortalıq payda etiw.

A`dette redutsent birikpe sıpatında o`simlik yaki haywan toqımasının` bir bo`legi (o`kpe, bu`yrek, talaq, qan, kartoshka, taxta) qollanıladı.(0,5g mug`darda). Bunday toqımalar suyıq azıqlıq ortalıqtıq quramındag`ı kislorodlardı biriktiredi ha`m bakteriyalardı o`zine sin`dirip aladı.

Tez oksidleniwshi birikpe sıpatında glyukoza, laktoza ha`m qumırısqa kislotasının` natriylı duzınan paydalanıladı.
Kitta –Tarotstsi ortalıg`ı o`z quramında redutsent birikpelerge bay bolg`an, suyıq azıqlıq ortalıq bolıp esaplanadı.
Anaeroblar ekpesi ko`rsetug`ın keseshe yaki probirkalar jaylastırılatug`ın ıdıs –anaerostat ishindegi kislorod arnawlı a`spab – u`skeneler ja`rdeminde sorıp alınıwı mu`mkin Anaerostatqa mikroorganizmler ekpesi o`sirilgen chashka yaki probirkalar jaylastırılg`annan son` onın` ishindegi haua vakkum nasosı ja`rdeminde sorılıp shıg`arıladı.hawanı indifferent gaz (azot, vodorod, argon, karbonat angidrid gazı) menen almastırıladı ha`m anaerostattan paydalanıladı. Anaerob mikroorganizmler o`sirilip atırg`an ıdıslardı anaerostatqa jaylastırg`annan keyin onın` ishine ballonchalardag`ı gaz jiberiledi, gaz anaerostat ishindegi kislorodtı su`rip shıg`aradı.