Farmasevtikada boshqaruv fanidan o‘quv-uslubiy majmua

Sxema 7. Asosan import asosida keltiriladigan maxsulot partiyasini sertifikatlashtirish uchun qo‘llaniladi. Bu sxema buyicha sertifikatlashtirish idorasi, odatda, o‘zining akkreditatsiyadan utgan laboratoriyasiga me’yoriy xujjatlar talablariga asosan maxsulot identifikatsiyasini, partiyadan namunalar tanlab olishni, va keyinchalik amalga oshiriladigan sinovlarni olib borish uchun ko‘rsatma beradi.
Muvofiqlik sertifikati xorijdan keltiriladigan mahsulotga ta’sir etish muddati chegarasida, ishlab chiqariladigan mahsulotga – 3 yilga beriladi.
Xorijiy muvofiqlik sertifikatlarining tan olinishi
Sertifikatlashtirish idorasi O‘zbekiston Respublikasi va boshqa davlatlar o‘rtasida tuzilgan kelishuvlarga asosan, dori vositalariga boshqa davlatlarning mutasaddi tashkilotlari tomonidan berilgan muvofiqlik sertifikatlarini tan olishga xaqqi bor. Olingan xujjatlarning tahliliga va maxsulotning identifikatsiyasiga asoslanib, sertifikatlashtirish idorasi xorijiy muvofiqlik sertifikatini tan olinishi (yoki tan olmasligi) bo‘yicha qaror qabul qiladi. Eksport qiluvchi mamlakat Milliy sertifikatlashtirish tizimi tomonidan berilgan muvofiqlik sertifikatining tan olinishi uning import qiluvchi mamlakatining muvofiqlik sertifikatiga qayta rasmiylashtirilishi va Yagona davlat reestriga kiritilishi yo‘li bilan amalga oshiriladi.
Har qanday farmasevtika tashkilotining a’zolari hamkorlikdagi faoliyat jarayonida subordinatsiya va koordinatsiya munosabatlarida bo‘ladilar. Subordinatsiya munosabatlari — bu quyi lavozimdagi xodimning yuqori lavozimdagi xodimga xizmat doirasida bo‘ysunishi, xizmat intizomi qoidalarining bajarilishidir. Ushbu munosabatlar doirasida rahbar qo‘l ostidagi xodimning lavozim vazifalariga muvofiq unga farmoyishlar berish va ularning bajarilishini talab qilish huquqiga ega bo‘ladi. Qo‘l ostidagi xodim ularni sitqidildan bajarishga majbur. Rahbar mukofotlash va baxolash huquqiga; qo‘l ostidagi xodim esa — tanqid qilish va belgilangan tartibda shikoyat qilish huquqiga ega bo‘ladi.