Drasi boshlang’ich sinflarda integratsiyalashgan ta’lim

Uy vazifasini so’rash va baholash: takrorlash.

III. O’quvchilarni dars mavzusi, maqsadi, borishi bilan tanishtirish va ularning faoliyatini o’quv topshiriqlarini bajarishga yullash.

IV.Yangi mavzuni o’rganish: Aziz o’quvchilar! Bugungi mavzuimizni “Tabiatshunoslik” va “O’qish” darslari aloqadorligida olib boramiz. Mazkur mavzuni “Kichik guruhlarda ishlash” metodi yordamida o’rganamiz. Sinf o’quvchilari 4-5 nafardan iborat guruhlarga bo’linadi va ular oldiga qo’yilgan muammo “Mevali daraxt va butalar” mazmunida topshiriqlar, rasmlar asosida quyidagi topshiriqlarni oladi:

- mevali daraxtlar haqida nimalarni bilasiz?

- butalarga nimalar kiradi?

- odamning tabiatga ta’siri;

- yaxshidan bog’ qoladi, yomondan dog’.

Har bir guruh topshiriqni 3 minut davomida bajarishadi, muammoga oid materiallar topib,suratlarni qirqib, plakatga yelimlaydi va matnni sharhlaydi. Har bir guruh hisobot beradi. Boshqa guruh o’quvchilari savollar berishadi va ishni baholashadi. Mavzu umumlashtiriladi.

O’qituvchi mavzu haqida umumiy tushuncha beradi. O’lkamizdagi mevali daraxtlarga olma, nok, shaftoli, o’rik, olxo’ri, olcha, gilos, behilar kirishini, ularning parvarishi haqida tushuntiradi va mavzuga oid rasmlar ko’rsatadi. Mevali butalarga anor, anjir, malina va qorag’ot kirishini, ularning o’sishi, yetishtirishi, qanday navlari borligi haqida ma’lumot beradi va butalarning rasmlarini ko’rsatadi. Mavzuni 3-sinf “O’qish” darsligidagi Habib Rahmatning “Bog’im” she’ri bilan o’zaro bog’lab, she’rda daraxtlarni qanday yetishtirish, parvarishlash haqida aytib o’tilganini ta’kidlab o’tadi.