Buxoro oziq-ovqat va yengil sanoat texnologiyasi instituti «tarmoq mashina va jihozlari»

"Orsha" (Belorussiya) firmasining zanjirsimon baxyali tikuv mashinalari.

"Orsha" Yengil mashinasozlik firmasining 1622 rusumli tikuv mashinasi ust kiyim bichig`i detallarida ikki ipdan salqi halqali bir ipli zanjirsimon chalishishdagidek bitta nusxalama bahyaqator yuritib tiqishga mo’ljallangan. Mashina bosh valining aylanish chastotasi 1000 ayl/ min. gacha, bir tomondagi salqi uchlari oralig`i 6 mm dan 12 mm gacha, solqining uzunligi kamida 4 mm. Materiallarning tepki tagida qisilgan holatdagi maksimal qalinligi 5 mm. Elektryuritgichining quvvati 0,25 kVt. Ignalar 0277 № 90, 100.
1622 rusumli tikuv mashinasi ustki krivoship polzunli igna, gazlamani surish, reykani gorizontal surish uzeli bilan kinematik bog`langan bo’lgan ikkinchi ostki igna va halqalarni cho’zadigan hamda ignalarda tutib turadigan chalishtirgich mexanizmlaridan tuzilgan. Ignalar ayni vaqtda ip uzatgich vazifasini ham bajaradi.
Nusxalama bahyaqator hosil qilish jarayoni. Nusxalama bahyaqator hosil qilish prostessida ustki igna 1 (79-rasm), ustki chalishtirgich 2, ostki igna 6, chalishtirgich 4, reyka 5 va tepki 3 qatnashadi.
Ustki igna 1 pastga tusha borib, materiallarni teshib o’tadi; ostki igna 6 ning xalqasini ustki chalishtirgich 2 materiallardan yuqorida tutib turadi. Reyka 5 salt yurib, tikuvchi tomonga suriladi. Ustki igna 1 eng pastki chekka holatga tushib,keyin 2-2,5 mm yuqori ko’tarilib, xalqa hosil qiladi, unga ostki chalishtirgich 4 kirib, xalqani tutib turadi. Ustki igna 1 materialdan chiqadi, ustki chalishtirgich 2 ostki igna 6 ning xalqasidan chiqadi.
Ostki igna 6 yuqoriga ko’tariladi, materialni teshib o’tadi, bunda ostki igna teshgan joy ustki igna 1 teshgan joydan taxminan yarim bahya bo’yi beriroq bo’ladi. Ayni vaqtda reyka 5 yuqori ko’tarilib, materiallarni bir bahya bo’yi suradi. Reyka bilan birga ostki igna 6 ham tikuvchidan oldinga tomon suriladi. Igna 6 eng yuqori chekka holatga etib, keyin 2-2,5 mm pastga tushadi va ostki ipdan xalqa hosil qiladi, bu xalqani ustki chalishtirgich 2 ilib oladi. Materiallarni surish oxirida ostki chalishtirgich 4 ustki igna 1 xalqasidan chiqadi. Keyin jarayon takrorlanadi.