«автомобильные дороги»

Sekin-asta avtomobil yo‘llariga bo‘lgan ehtiyoj oshib bordi. Yengil, ichki yonuv dvigatelli avtomobillar ixtiro qilindi. Avtomobillar yuk va yo‘lovchilarni tashuvchi vositaga aylandi.

Avtomobilning rivojlanishi o‘z navbatida yo‘llarga bo‘lgan talabni kuchaytirdi. Avtomobil yo‘li orqali tashiladigan yuklarning tannarxini kam yoki ko‘p bo‘lishi yo‘llarning holatiga va sharoitiga bog‘liq bo‘ladi. Yomon yo‘llarda ko‘p yoqilg‘i sarf qilinadi va avtomobil tezligi kamayadi.

1.2. O‘zbekiston Respublikasi avtomobil yo‘llari tarmoining zamonaviy holati

Hozirgi vaqtda O‘zbekiston Respublikasida avtomobil yo‘llarining umumiy uzunligi 183783 km ni tashkil qiladi, shundan 44000 km ga yaqini umum foydalanishdagi avtomobil yo‘llari hisoblanadi. Ulardan 51 % qattiq qoplamali avtomobil yo‘llaridir. Sementbeton qoplamali yo’llarning uzunligi 378 km ga yetadi.

Respublikamiz iqtisodiyotining rivojlanishi avtomobil yo‘llari uzunligining ortishiga va ularning holatiga bog‘liqdir. Yo‘l tarmoqlarining ortishi va transportning rivojlanishi asosiy iqtisodiy omillardan sanalgan.

Bugungi kunda davlatimiz tomonidan transport yo’laklarini rivojlantirishga katta e'tibor qaratilmoqda.

Bugungi kunda davlatimiz tomonidan transport yo’laklarini rivojlantirishga katta e'tibor qaratilmoqda.

Bu borada YEVROPA HAMJAMIYATINING TASIS DASTURI asosida tuzilgan TRASEKA loyihasini O’zbekistonda qo’llab quvvatlanishi bunga misol bo’ladi.

Keyingi yillarda Buyuk Ipak Yo’lini tiklash masalasida Respublikamizda bir qator ulkan ishlar amalga oshirilmoqda, bunga misol qilib Qamchiq va Rezak davonlarining qurilishini va loyihasi olib borilayotgan "Andijon-Toshkent-Nukus-Qo’nirot" tezyurar avtomobil magistralini ko’rsatishimiz mumkin.

Bugungi kunda mamlakatimizda 13 ta yo’nalishdagi avtomobil yo’llari bo’yicha xorijiy avtotransportlarni Respublika hududi orqali o’tqizilishi yo’lga qo’yilgan.

Mamlakatimizda keyingi yillarda xorijiy zamonaviy yo’l qurilish texnikalaridan keng foydalanilmoqda. Bu esa yo’l qurilishi va yo’llardan foydalanish ishlari samaradorligini oshirmoqda. Bu borada "Vertgen" va "Fogel", "Dunapak" kampaniyalarining yo’l qurilish texnikalaridan keng foydalanilmoqda.