Anorgul atajonova

22-mashq. Birgina tovush bilan farq qiladigan so‘zlarni yonma-yon 
holatda daftaringizga yozing va ma’nosini tushuntiring.  
Namuna: kuz, suz, buz, juz.  
Kuz, tong, tin, tona, botmoq, so‘ra, kin, bayt, xona, ko‘ra, din, sho‘ra, 
qayt,  ber,  bo‘z,  solmoq,  jo‘ra,  dong,  so‘z,  fin,  olmoq,  chin,  payt,  shona, 
qotmoq, chuz, g‘o‘ra, sher, sinmoq, tinmoq, bong, ong. 
23-mashq.  Matnni  o‘qing,  mazmunini  aytib  bering.  "Ustozim 
sabog‘i - hayotim rahnamosi" mavzusi bo‘yicha insho rejasini tuzing. 
  
Aflotunning o‘z shogirdiga qilgan nasihati 
 
U quyidagicha buyuradi: 
–  Hamma  ilm  payidan  bo‘lib,  qalbing  ham,  ko‘zing  ham  doimo 
bedor  bo‘lsin,  uyqu  va  oromni  o‘ylab  bugungi  ishni  ertaga  qoldirma, 
uyquga  yotishdan  oldin  o‘tkazgan  kuning  haqida  sarhisob  qil,  shu  kuni 
sendan  qanday  xato  sodir  bo‘ldi  yoki  shu  kuni  sen  yaxshi  narsalardan 
nimani  o‘rganding,  shu  haqda  o‘yla.  Badbaxt  shunday  kishiki,  ishining 
oqibatini  o‘ylamaydi,  gunoh  ishlardan  o‘zini  tiymaydi.  Dunyoda  lazzat 
topsa  boshi  osmonga  yetib  shod  bo‘ladigan,  birorta  qayg‘uga  duch  kelsa, 
hammadan ko‘ra ko‘proq faryod ko‘taradigan olimni olim deb hisoblama. 
Barchani  birdek  sev,  serjahl  bo‘lma,  jahlingni  sochaversang,  bora-bora  u 
sening  odatingga  aylanib  qoladi.  Bugun  senning  oldingga  muhtoj  bo‘lib 
kelsa, uning hojatini chiqarishni ertaga qoldirma. Biror kishi birorta baloga 
duchor bo‘lsa, unga ko‘mak qo‘lini cho‘z, har kimning gapini to‘qri yoki 
noto‘g‘ri ekanini bilmay turib, tekshirmay turib, hukm chiqarma. Dunyoda 
hikmatdan foydaliroq narsa yo‘q. Hakim shunday kishiki, uning so‘zi bilan 
qiladigan  ishlari  bir  bo‘ladi.  Qaysi  ishda  bo‘lmasin  sustkashlik  qilma, 
yaxshilik  qilishda  chegara  bor  deb  o‘ylama!  Hakimlar  hikmatini  yod  ol, 
mol-dunyo  hirsini  ko‘nglingdan  quv,  yoqimli  odoblardan  ko‘z  yumma, 
barcha  ishlarni  o‘z  aqlingga  quloq  solib,  chamalab,  so‘ng  amalga  oshir, 
tuban  ishlarga  qo‘l  urma,  hamma  bilan  gaplashganda  ham  kamtarlikni 
qo‘ldan  berma.  Birovni  xor  sanama,  hamisha  adolatni  o‘zingga  shior  qil! 
(Abulbarakot Qodiriy ijodidan).  
 

---

 
23