Andijon mashinasozlik instituti huzuridagi

Kesik silindr sirtining yoyilmasi

Kesik silindr sirtining yoyilmasi quyidagi tartibda bajariladi: asosning aylana uzunligi D sakkiz teng bo‘lakka bo‘linadi. Bo‘lingan nuqtalardan qiyofa yasovchilarga parallel to‘g‘ri chiziqlar o‘tkaziladi. Ularga haqiqiy kattalikda frontal proyeksiyadan silindr yasovchilarining qolgan qismiga teng bo‘lgan uzunlikda kesmalar o‘lchab qo‘yiladi. Hosil qilingan 1, 2, 3 va h.k nuqtalarni lekalo yordamida birlashtiriladi. Silindr asosi bo‘lgan aylana chiziladi va haqiqiy kattalikda kesma shakli quriladi.

Kesik silindrning aksonometriyasini qurish uchun OX, OY va OZ aksonometriya o‘qlari o‘tkaziladi va silindr asosi bo‘lgan ovalning izometrik proyeksiyasi quriladi:

Aylanani teng bo‘laklarga bo‘luvchi nuqtalar belgilab olinadi. Shu nuqtalardan OZ o‘qiga parallel to‘g‘ri chiziqlar o‘tkaziladi va frontal proyeksiyadan kesik yasovchilarning haqiqiy kattaligi o‘lchab qo‘yiladi. Masalan: 1-nuqtadan 1-1' kesma, 2-nuqtadan 2-2' kesma va h.k hosil qilingan nuqtalarni lekalo yordamida birlashtirib, ellips kesim shakli yasaladi. Silindr asosi va kesim shakli chizmadagidek, 1-yasovchi uchlariga urinma vaziyatda qurilgan.