2-ma`ruza: Harakatlar strategiyasi – O’zbekiston milliy taraqqiyoti yangi bosqichining asoslari. Reja

Indikator raqami	Mezon nomi	Doing Business 2016	Doing Business 2017	Doing Business 2018	Farqi (2016-2017)
Farqi (2017-2018)
1.	Korxonalarni ro’yxatdan o’tkazish	42	25	11	+17	+14
2.	Qurilishga ruxsatnomalar olish	151	147	135	+4	+12
3.	Elektr ta`minoti tarmog’iga ulanish	112	83	27	+29	+56
4.	Xususiy mulkni ro’yxatga olish	87	75	73	+12	+2
5.	Kreditlar olish	42	44	55	–2	–11
6.	Minoritar investitsiyalarni himoya qilish	88	70	62	+18	+8
7.	Soliq solish	75	77	78	–2	–1
8.	Xalqaro savdo	115	138	168	–23	–30
9.	SHartnomalar ijrosini ta`minlash	159	165	39	–6	+126
10.	To’lov qobiliyatsizligini hal qilish	32	38	87	–6	–49

Jadval muallif tomonidan Jahon banki guruhining har yili o’tkaziladigan “Doing business” tadqiqotlari hisobotlari mahlumotlari asosida shakllantirilgan.
KBXTni rivojlantirish mamlakatimizning iqtisodiy negizi hisoblangan xususiy mulkni rivojlantiradi, siyosiy tayanchi sifatida o’rtacha mulkdorlar sinfini shakllantirishini ahamiyatliligini inobatga olib, noqonuniy tekshirishlar, xususiy biznes faoliyatiga asossiz aralashishga qarshi kurashish kuchaytirilmoqda. O’zbekiston Respublikasi Prezidentining 2018 yil 14 fevraldagi “Toshkent shahrida jamoat tartibini saqlash, huquqbuzarliklar profilaktikasi va jinoyatchilikka qarshi kurashishning sifat jihatidan yangi tizimini joriy etish to’g’risida”gi 3528-qarorida “mahallada kriminogen vaziyatni yaxshilashning eng muhim omili sifatida biriktirilgan hududda tadbirkorlikni rivojlantirishga ko’maklashish va aholi, ayniqsa, yoshlar bandligini ta`minlashga yo’naltirilgan choralarni amalga oshirish” vazifasi belgilanganligi KBXTni rivojlantirish naqadar ahamiyatli ekanligidan dalolat beradi.
O’zbekistonda hozirgi sharoitda kichik biznes subhektlari faoliyatini moliyalashtirishning barqaror tizimini shakllantirish, tijorat banklarining kichik biznes subhektlarini kreditlash amaliyotini takomillashtirish, ularni kreditlash jarayonida yuzaga keladigan moliyaviy risklarning chuqurlashishiga yo’l qo’ymaslik kabi masalalarni ilmiy asosda tadqiq qilish dolzarb ahamiyat kasb etmoqda[11; 62-b].
Prezidentning 2017 yil 7 fevraldagi Farmoni bilan qabul qilingan “2017-2021 yillarda O’zbekis­ton Respublikasini rivojlantirishning beshta ustuvor yo’nalishi bo’yicha Harakatlar strategiyasi”ga muvofiq makroiqtisodiy barqarorlikni yanada mustahkamlash va yuqori iqtisodiy o’sish surhatlarini saqlab qolish yo’nalishida xalqaro iqtisodiy hamkorlikni yanada rivojlantirish, yetakchi xalqaro va chet el moliyaviy institutlari bilan aloqalarni kengaytirishga katta ahamiyat qaratilgan. Bu bilan, avvalo, xalqaro moliyaviy institutlar pul mablag’larini jalb qilish orqali moliyalashtiriladigan investitsiyaviy loyihalarni o’z vaqtida amalga oshirilishini ta`minlash ko’zda tutilmoqda. SHu maqsadda 2017-2020 yillarda Jahon bankining 3 milliard dollarlik kreditlari hisobidan 27 ta, Osiyo taraqqiyot bankining 2,97 milliard dollarlik kreditlarini jalb qilgan holda 20 ta loyiha amalga oshirilishi mo’ljallangan.
SHuningdek, 2017-2021 yillarda Islom taraqqiyot bankining 1 milliard dollarlik kreditlari jalb qilinib, qator investitsiya loyihalari amalga oshiriladi.
Davlat dasturi bo’yicha hamda tarkibiy o’zgartirishlarni chuqurlashtirish milliy iqtisodiyotning yetakchi tarmoqlarini modernizatsiya va diversifikatsiya qilish hisobidan uning raqobatbardoshligini oshirish yo’nalishida korxonalarning mablag’lari, tijorat banklari krediti, xorijiy investitsiya va kreditlar hisobidan 2017-2021 yillarda umumiy qiymati 40 milliard AQSH dollari miqdoridagi 649 ta investitsiya loyihasini nazarda tutuvchi tarmoq dasturlari belgilanib, amalga oshirilmoqda. Bu loyihalarning amalga oshirilishi natijasida 5 yillikning oxiriga borib sanoat mahsulotini ishlab chiqarish 1,5 barobar, uning yalpi ichki mahsulotdagi ulushi 33,6 foizdan 36 foizga, qayta ishlash tarmog’i ulushi 80 foizdan 85 foizga oshadi. 2017 yilda 75 dan ortiq yangi turdagi raqobatbardosh tayyor mahsulotlar o’zlashtirish ko’zda tutilgan bo’lib, u jadal surhatlar bilan amalga oshirilmoqda.
Mamlakatimizda qisqa muddatda 161 ta yirik sanoat obekti ishga tushirildi. Bu O’zbekiston uchun 2018 yilda qo’shimcha 1,5 trillion so’mlik mahsulot ishlab chiqarish imkonini beradi.