Windows ish stoli

Windows ish stoli
Ish stoli ko’rinishi foydalanuvchi tomonidan o’zgartirib turilishi mumkin. U foydalanuvchi ko’p ishlatadigan dasturlarni joylashtirish uchun qo’llaniladi.
Ish stolida kichraytirilgan (belgichalar) va me’yoridagi oynalar joylashtiriladi. Ular foydalanuvchining qiziqtirgan turli xil papkalar, dasturlar, xujjatlar, tarmog’li qurilmalarga tezda murojaat qilishni ta’minlaydi, Ekran pastida esa oldindan kelishuv bo’yicha ishga tushirish tugmasini va ochilgan obyektlar belgichasini (shu jumladan, ochilgan, lekin xozirda ishlatilmayotganlarni) o’z ichiga olgan masalalar paneli satri joylashadi.
"Pusk" (ishga tushirish) tugmasi ekranga bosh menyuni chiqarish uchun ishlatiladi. U turli amallarni bajarish imkonini beradi: dasturni ishga tushirish, xujjatni ochish, ma’lumotnomani ochish, kerakli obyekt qidirishni amalga oshirish, kompyuterni sozlash uchun boshqarish panelini chaqirish va boshqalar.
Bosh menyuning ba’zi bandlari o’ngidagi strelkalar menyuning bu punktlari uchun qo’shimcha qism menyulari borligini bildiradi. Bosh menyuni foydalanuvchini istagi bo’yicha mos sozlash yo’li bilan o’zgartirish mumkin. Windowsda ishlashni aynan shu menyuni chaqirish bilan boshlash mumkin, bu to’g’rida yo’l ko’rsatuvchi "Ishni shu tugmani bosish bilan boshlang (Slick here to begin)" yozuvi ko’rinadigan strelka ham eslatib turadi.
Windows ish stolining elementlar to’plami kompyuter sozlovchilariga bogliq. Windowsda ko’plab elementlarni yodda saqlash, ajratib olish va ular bilan ishlash oson bo’lishi uchun piktogrammalar (yorliqlar) deb ataluvchi mos rasmchalar qo’yiladi. Ularni ko’pincha ikonkalar (timsollar) deb ham ataydilar. Ular mos dasturni xotiraga tez chaqirish (yuklash) imkoniyatini beradi. Mualliflar dasturlar uchun ularning moxiyatini ifodalab beruvchi maxsus rasmchalar tayyorlaydilar. Xujjat fayllari uchun piktogramma sifatida o’sha xujjat tuzilgan dasturning belgisi ko’rsatiladi.
Ish stolida quyidagi elementlar joylashgan bo’lishi mumkin:

• 
  papkalar (tizim va foydalanuvchining papkalari);
  
• 
  xujjat va dastur fayllari; va
  
• 
  qurilmalar, papkalar va fayllar uchun yorliqlar.
  

Biroq, odatda ekranda ko’p dollarda tizim papkalari va ko’p murojaat qilinadigan obyektlarning yorliqlari joylashgan bo’ladi. Tizim papkalari (System Folder) - Windows OT tomonidan tashkil etilgan papkalardir.