«Wincler» mas’uliyati cheklangan jamiyatining shakllanish tarixi bet

2.2.1 – rasm. «Wincler» MCHJning iqtisodiy ko’rsatgichlari dinamikasi diagrammasi
Bunda har bir ishlovchi hisobiga to’g’ri keladigan o’rtacha oylik ish haqi miqdori 2016 yilda 608313 so’mga, 2017 yilda 631458 so’mga va 2018 yilda mos ravishda 650491 so’mga teng bo’lib, 2018 yilda mazkur ko’rsatkich 2016 yilga nisbatan 42,2 ming so’mga yoki salkam 40 foiz (38,9)ga, 2017 yildagiga nisbatan esa, 19 ming so’mga yoki 14,5 foizga oshgan.

Korxonada mahsulot ishlab chiqarish xarajatlarini o’rganadigan bo’lsak, 2016 yilda qilingan sarf-xarajatlarning ja’mi miqdori 220024 ming so’mni, 2017 yilda 236002 ming so’mni va 2018 yilda 233800 ming so’mni tashkil qildi. Bunda ming so’mlik mahsulot ishlab chiqarishga ketgan sarf-xarajatlar 2016 yilda 734,42 so’mni, 2009 yilda 760,39 so’mni va 2018 yilda 733,18 so’mni tashkil qilganligi har ming so’mlik mahsulot birligiga qilingan moddiy xarajatlar so’nggi yillarda o’rtacha 30 so’m atrofida tebranib turganligi buning natijasi korxonaning foyda va umumiy rentabellik ko’rsatkichlarining ham qisman kamayib va ortib turishiga ta’sir qilganligini ko’rishimiz mumkin.

«Wincler» mas’uliyati cheklangan jamiyati korxonasi umumiy xo’jalik faoliyati natijasiga ko’ra 2016 yilda 79563 ming so’m, 2017 yilda 74369 ming so’m va 2018 yilda 85083 ming so’m foyda ko’rishga erishganligi, bunda xo’jalik sub’ekti faoliyatining natijasiga binoan ko’rilgan sof foyda miqdori 2018 yilda 2016 ga yildagiga nisbatan 5520 ming so’m yoki 6,9 foizga ortgan bo’lsa, 2017 yilga nisbatan esa, 10714 ming so’m yoki 14,4 foizga o’sganligi jadval ma’lumotlari asosida tasdiqlanmoqda.

Yuqorida ko’rganimizdek, ushbu foyda ko’rsatkichi 2018 yilda 2016 va 2017 yillarga nisbatan o’sish ko’rsatkichini ifodalasada, 2017 yilda 2016 yilga nisbatan 5194 ming so’mga kamayganligi bizga, mazkur yilda xo’jalik tomonidan mavjud resurslardan foydalanishda ortiqcha, samarasiz sarf-xarajatlarga yo’l qo’yilganligi to’g’risida tasavvur beradi.

Yuqoridagilarga bog’liq ravishda korxonaning rentabellik ko’rsatkichlarini ham o’rganganimizda, fikrimiz yana bir bor o’z tasdig’ini topdi. 2016 yilda rentabellik darajasi 36,2 foizni, 2017 yilda 31,5 foizni tashkil etgan, 2018 yilda esa, rentabellik ko’rsatkichi 2016 yilga nisbatan 0,2 foizga, 2017 yilga nisbatan esa, 4,9 foizga ortgan, ya’ni 36,4 foizga teng bo’ldi.