|
BS xizmat ko‘rsatish zonasi
MIMO uchun ikki qabul qilib uzatuvchi antennali element va AAS uchun 4 antennali 4 ta uzatgichdan foydalanib, maksimal xizmat ko‘rsatish masofasi AAS va MIMO texnologiyalarini solishtirish quyidagi natijalarni beradi (3.13- jadval).
3.13- jadval
AAS va MIMO texnologiyalaridan foydalanishda antenna tizimlarining kuchaytirish koeffitsienti qiymatlari
|
CPE alohida blok ko‘rinishida
|
CPE PCMCIA platasi ko‘rinishida
|
|
MIMO
|
Yo‘naltirish diagrammalarini
shakllanishi
|
MIMO
|
Yo‘naltirish diagrammalarini
shakllanishi
|
Tizimning kuchaytirish koeffitsienti
|
157,7 db
|
162,7 db
|
153,3db
|
157,9db
|
Jadval natijalari «pastga» va «yuqoriga» aloqa liniyalarining maksimal resurslaridan foydalanganda, aloqa kanalining aniq energetik imkoniyati uchun mos keladi. Jadvaldan ko‘rinadiki, AAS texnologiyasi MIMO texnologiyasi bilan solishtirganda 5 dBga kuchaytirish koeffitsientini oshirishni ta’minlaydi, bu nazariy holatda xizmat ko‘rsatish masofasi 100% gacha ortishiga olib keladi.
Tarmoqning o‘tkazish polosasi
AAS texnologiyasi bu ko‘rsatkich bo‘yicha MIMO ga qaraganda yuqori natijalar beradi. Bir tipdagi tarmoqlar uchun har bir sektorda chastota spektridan foydalanish samaradorlik ko‘rsatkichlari quyida keltirilgan (3.14- jadval).
Natijalar ko‘rsatadiki, AAS texnologiyasidan foydalanish bilan tarmoqning xizmat ko‘rsatish aloqa sifatini 90% gacha oshirishni ta’minlash mumkin.
MIMO texnologiyasi mikrosotali tizimlarda juda yuqori o‘tkazish qobiliyatini ta’minlaydi, lekin bunga abonent qurilmalarini qo‘shimcha murakkkablashtirish hisobiga erishiladi. YAna, eslatib o‘tish kerakki, BS va AQ bevosita ko‘rinish holatlarida MIMOli sxema yomon ishlaydi.
3.14- jadval
AAS va MIMO texnologiyalaridan foydalanishda tarmoq spektral samaradorlik ko‘rsatkichlari
Sxema
|
Sotaning maydoni bo‘yicha o‘rtalashtirilgan spektr samaradorligi
|
Yo‘naltirish diagrammasini shakllantirish
|
2,1 bit/sek/Gs
|
MIMO
|
1,7 bit/sek/Gs
|
Yo‘naltirish diagrammasini shakllantirish + MIMO
|
2,5 bit/sek/Gs
|
Bu kamchilik ikki texnologiyani birlashtirish bilash tuzatilishi mumkin, bu tarmoqni yoyishning barcha shartlarida optimal echim olish imkonini beradi. AAS texnologiyasining qo‘llanilishi WiMAX tarmoqlarini birlamchi yoyish darajasiga mos keladi. MIMOning qo‘shilishi mikro va piko sotali tarmoqlarda yuqori abonentlar sig‘imini talab qiladigan tarmoqlarda amalga oshiriladi. AAS va MIMOning birlashishi bitta umumiy antenna tizimlari yordamida ta’minlanishi mumkin, bu holatda BSni oddiy dasturiy ta’minotni yuklash orqali modernizatsiyalash imkoniyati bo‘ladi.
AAS va MIMO texnologiyalarini birlashtirish imkoniyati
Hozirgi kunda amaliyotda qo‘shimcha imkoniyatlar olish uchun AAS va MIMO texnologiyalarini birlashtirish bo‘yicha qilingan ishlar mavjud. Lekin bunda bir necha qiyinchiliklar yuzaga keladi, masalan, antennalarni joylashtirish bo‘yicha talablar. AAS texnologiyasini qo‘llaganda antennalar bir-biriga etarlicha yaqin joylashishi kerak (odatda,nurlanuvchi to‘lqinning yarim uzunligi hisobida), antenna elementlari uchun MIMO sxemalar qo‘llanganda esa antennalar bir-biridan uzoqlikda joylashishi lozim yoki qutblanishlari turlicha bo‘lishi kerak. YUqoridagilarga bog‘liq holda, bu texnologiyalarni ikki jihat bo‘yicha birlashtirish imkoniyati mavjud:
bir-biriga yaqin bo‘lgan optimal masofalarda AASli tizimlarda MIMO ni qo‘llash.
Har bir panel elementlari orasidagi masofa etarlicha kichik bo‘lganda, ikki elementli antenna panellari juftliklarini qo‘llash.
Birinchi variant aloqa kanallari energetik imkoniyatlarini oshirishda katta foyda beradi. Uni tadbiq qilish uchun baza stansiyalari standart to‘rt elementli antenna panellaridan foydalanish hisobi etarlicha oson ishlab chiqilgan bo‘lishi mumkin, ular tizimni keyinchalik almashtirishni talab qilmaydi. «AAS+MIMO» texnologiyalarini birlashtirish BSda daturiy ta’minotni yuklash orqali amalga oshirilishi mumkin.
Ikkinchi variantda eng yaxshi ishchi xarakteristikalarga erishiladi. AAS hisobi bo‘yicha olingan aniq talablarga bog‘liq ravishda 30 %gacha kanalning o‘tkazish qobiliyatini oshirish mumkin. Bu sxema mavjud apparat bazasida etarlicha oddiy holatda amalga oshiriladi.
WiMAX tarmoqlarini yoyishning qiyinchiliklari
To‘rtinchi avlod tarmoqlariga qo‘yiladigan talablarga mos ravishda WiMAX tizimlariga aloqa seanslarini qayta ishlash dinamik algoritmlarini ta’minlash, radioefir shartlariga mos ravishda signal qaya ishlash usullarini soddalashtirish kabi talablar qo‘yiladi.
Agar WiMAX tizimlari “signal-shovqin” nisbatining yuqori ko‘rsatkichiga va ishonchli signalga ega bo‘lsa, yuqori tezlikli uzatish rejimini tanlash mumkin, bunda signal qabul qilgichlarda oson va aniq dekodlanadi. Radiomuhitning yomon parametrli holatlarida tizim ancha chidamli signal qayta ishlash usullarini tanlaydi (masalan, OFDM-simvolidan foydalanib kam bitli yuqori quvvatli signal chiqarish), bu esa signalni aniqroq dekodlash imkonini beradi. SHuning uchun WiMAX tarmoqlarini yoyish bir qator murakkabliklarga ega, bunda nafaqat signal pog‘onasi va CINR koeffitsientlari hisobga olinadi, shuningdek Abonent qurilmalari uchun kanal resurslarini dinamik taqsimlash mexanizmlari bilan aniqlanadi. Ko‘plab aloqa tizimlari 2-3 profildagi aloqa seanslariga ega, shuningdek WiMAX tizimlarida bir vaqtda 7 tagacha profil mavjud bo‘lishi mumkin, lekin WiMAX tizimlarida signalni qayta ishlash algoritmlari boshqa simsiz tizimlarga nisbatan ancha murakkabroq bo‘lib tuyuladi.
Nazorat savollari
1. Wimax tizimlarining ishlash printsiplarini tushuntiring
2. Wimax tizimlining arxetekturasini tushuntiring
3. Wimax tarmog‘ining ishlash rejimlarini tushuntiring
4. Wimax tarmog‘ini tashkil etishning o‘ziga xos xususiyatlari qanday?
5. Wimax va Wi-FIi tizimlarini taqqoslanng.
Do'stlaringiz bilan baham: |
