Vrach nazorati fani bo’yicha o’zlashtiradigan

5.1. Sport inshootlariga gigiyenik talablar 
 
Sport  inshootlari  joriy  qilingan  sanitar-gigiyenik  talab  va  me’yorlariga 
mos  bo’lishi  kerak.  Sport  inshootlarining  gigiyenik  so’rovlariga  katta  talab 
qo’yiladi,  chunki  ularning  sanitar  holati  jismoniy  mashq  va  sport 
mashg’ulotlarining  sog’lomlashtiruvchi  samarodorligiga  bog’liqdir.  Sport 
inshootlari 
foydalanishga 
topshirilganidan 
so’ng 
Davlat 
sanitariya 
epidemiologiya  nazorat  markazi  (DSENM)  va  shifokor-jismoniy  tarbiya 
dispanseri  xodimlari,  hamda  jismoniy  tarbiya  va  sport  bo’yicha  mutaxassislar 
tomonidan  shu  inshootlarning  joriy  sanitariya  nazorati  olib  boriladi.  Sanitar 
nazorati  a’zolari  vakillarining  tanbeh  va  takliflari  hamma  sport  inshootlarida 
bo’lishi  zarur  bo’lgan  sanitar  jurnallariga  yoziladi.  Shuningdek  har  bir  sport 
ob’yektlarida  DSENM  bilan  kelishilgan  ichki  tartib  qoidalari  bo’lishi  kerak. 
Sport  inshootlarining  sanitar-gigiyenik  me’yorlarga,  saqlash  va  foydalanish 
qoidalariga  rioya  qilinmasa,  bunga  javobgarlik  inshoot  rahbariyati  zimmasiga 
yuklatiladi. Sanitar-gigiyenik me’yor va qoidalar buzilganda inshoot rahbariyati 
javobgarlikka tortiladi.