Вoshlang‘ich sinf larda bilimlar sinovini o‘tkazish bo‘yicha baholash mezonlari

3-sinf

Mehrjon sayli
Mehrjon bilan Navro‘z o‘zbeklarning eng go‘zal, eng tarovatli bayram sayillaridan hisoblanadi. Chunki ular xalqchil, hayotiy an’analaridir.

Navro‘z bahor kirishi, qishning ayozli kunlaridan uzil-kesil qutulib, yangi kun, yangicha hayotning boshlanishini nishonlash bayramidir.

Mehrjon esa hosil ko‘tarib, qishga tayyorgarlik ko‘rishdir, to‘kin-sochinlikka shukronalik, hayotga muhabbat ramzidir. Xalq kuzgi bayram sayilining nomini “Mehrjon” deb bilib qo‘ygan.

(56 so‘z)

Malik Murodov. (O‘qish kitobidan)

4-sinf

Quyosh sevgan yurt
Quyosh moviy tog‘lar ortidan bosh ko‘taribdi. Bog‘dagi rango-rang gullar unga salom berishibdi. Daraxtlar shoxida qushlar chuldirab sayrabdi. Yaproqlar quyoshni olqishlabdi. Butun olam uning saxiy nuridan baxramand bo‘libdi…

Ko‘hna Turon zaminda insonlar qalbini yorituvchi quyoshlari bor. Bular, Amir Temur, Ibn Sino, Imom al-Buxoriy, Ulug‘bek, Navoiylar!

Bu yurt mustaqil yurt! O‘ziga xon, o‘ziga bek yurt! Bu yurtning odamlari juda mehnatkash! Har yili umid bilan nihol ekishadi. Men ularni parvarishlayman. Qizil olmalarda o‘z aksimni ko‘rganday bo‘laman. Chamanzordagi gullarga nur qo‘lim bilan jilo beraman.

(79 so‘z)

Rauf Tolib (Diktantlar to‘plami)