Vodorod va vodorod peroksid. Olinishi va xossalari Vodorodning olinishi va xossalari

6. Vodorod peroksidi bilan oqartirish

Ozgina rangli jun matoning yog‘larini ketkazish uchun ishqor eritmasi bilan ishlang va 3%li vodorod peroksidi eritmasi bo‘lgan idishga tushiring. Vaqt o‘tishi bilan mato rangining o‘zgarganiga e’tibor bering.

7. Bariy peroksidining olinishi

Ва(OH)₂ ning to‘yingan eritmasiga tomchilatib 3%li vodorod peroksidi erimasidan quying. Yaltiroq ВаO₂8H₂O cho‘kmasining tushishiga e’tibor bering. Bu reaksiyada Н₂O₂ qanday vazifani bajaradi?

8. Natriy peroksidining oksidlovchilik va qaytaruvchilik xossalari

Bitta probirkaga 3-4 ml KJ eritmasidan, ikkinchisiga KMnO₄ eritmasidan quying. Ikkala eritmada ham sulfat kislota yordamida kislotali muhit hosil qiling va ikkalasiga ham tekis qoshiqcha yordamida ozgina Na₂O₂ soling. Ikkala eritma rangining o‘zgarishiga e’tibor bering. Ikkinchi probirkada ajralayotgan gazni cho‘g‘langan cho‘p bilan tekshiring. Ikkala reaksiyaning tenglamalarini yozing va har ikki holda ham natriy peroksid oksidlovchi yoki qaytaruvchi vazifasini bajarganligini e’tiborga oling.

Nazorat savollari:

1. Quyidagi oksidlarni suv bilan reaksiya tenglamasini yozing: Na₂O, BaO, N₂O₃, N₂O₅

Hosil bo‘lgan gidroksidlar qaysi sinfga mansub?

2. Quyidagi moddalar parchalanganda hosil bo‘lishi mumkin bo‘lgan oksidlar formulasini yozing:

Cu(OH)₂, Fe(OH)₃, Zn(OH)₂, H₂SO₄

3. Hajmi 20 l bo‘lgan gazometrni kislorod bilan to‘ldirish uchun qanday miqdordagi KMnO₄ ni parchalash kerak? (Hisobni n.sh. uchun qiling).

4. 280 ml 0,1 n natriy yodid eritmasini kislotali muhitda oksidlash uchun tarkibida 12% O₃ tutgan havodan qanday hajmda (n.sh.) kerak bo‘ladi?

5. Nima uchun vodorod peroksidi kislota xossasini namoyon qiladi? Н₂O₂ kislota xossasini namoyon qilgan reaksiya tenglamalarini yozing.

6. Natriy va bariy peroksidlarning struktura formulalarini yozing.

7. Н₂O₂ oksidlovchi, qaytaruvchi bo‘lgan reaksiya tenglamalarini yozib misol keltiring.

8. Quyidagi reaksiyalarni tugallang:

CI₂ + H₂O  O₂ + ...

MnO + H₂O₂  MnO₂ + H₂O

Reaksiyalarning elektron formulalarini yozing va bularda vodorod peroksidi oksidlovchi, qaytaruvchi vazifasini bajarishini ko‘rsating.

9. 100 g 4%li Н₂O₂ eritmasidan vodorod peroksidini parchalab qanday hajmdagi (n.sh.) kislorodni olish mumkin?

10. 5 kg 3%li Н₂O₂ eritmasi 1,5 kg pergidrol bilan aralashtirilganda hosil bo‘lgan eritmaning massa ulushini (%) aniqlang.