Вилоятда 2022 йил январь-октябрь ойларида бандлик дастурини ижросини таъминлаш бўйича амалга оширилган ишлар тўғрисида маълумотлар ва таклифлар

Вилоятда 2022 йил январь-октябрь ойларида бандлик дастурини ижросини таъминлаш бўйича амалга оширилган ишлар тўғрисида маълумотлар ва таклифлар

Ўзбекистон Республикаси Президенти Ш.М.Мирзиёев раҳбарлигида 2021-йил 14-декабр куни кенгайтирилган тарзда ўтказилган “Хизматлар соҳасини ривожлантириш бўйича амалга оширилаётган ишлар натижадорлиги ҳамда келгусидаги устувор вазифалар ҳамда ҳоким ёрдамчилари фаолиятини ташкил этиш, 2022 йилда меҳнат баланси ва бандлик дастурларини шакллантириш бўйича амалга оширилаётган ишлар тўғрисида”ги видеоселектор йиғилишининг 55-сонли баёни қарори ижросини таъминлаш мақсадида Халқ депутатлари Сурхондарё вилояти Кенгашининг 17.05.2022-йилдаги “2022-йилда Сурхондарё вилоятида шакллантирилган меҳнат баланси ва бандлик дастурини тасдиқлаш тўғрисида”ги VI-51-108-8-0-К/22-сонли қарори билан жорий йил вилоятда 408 926 та янги иш ўринлари ташкил этилиши прогноз кўрсаткичлари тасдиқланган. Ўзбекистон Республикаси Вазирлар Маҳкамасининг 2022-йил 13-майдаги 46-сонли йиғилиш баёни ва 2022-йил 29-cентябрдаги 31.31/1-3214-сонли топшириқ хатлари билан туризм, маданият, кинематография соҳаларида қўшимча 11 683 та янги иш ўринлари яратиш топшириқларига асосан вилоятда жами 2022-йилда 420 609 та янги иш ўринлари яратилиши белгиланган.

Жорий йил январ-октябр ойларида вилоят ҳокимлиги мажмуаларининг тезкор маълумотларига асосан амалда 421 563 та янги иш ўринлари яратилиб, йиллик прогноз кўрсаткичи 100,2 фоизга бажарилган бўлиб, ушбу маълумотлар Давлат солиқ бошқармаси ишчи-ходимлар базаларидаги маълумотлар билан солиштирилганда 235 659 та янги иш ўринлари яратилганлиги ва прогноз кўрсаткичи 61,3 фоизга бажарилганлиги маълум бўлди.
Бундай салбий ҳолатларнининг олдини олиш ва бартараф этиш учун қуйидагиларни амалга ошириш мақсадга мувофиқ бўлар эди:
-янги иш ўринлари ташкил этган тадбиркорлик субъектларига ижтимоий солиқ тўловларида имтиёзлар бериш;
-янги иш ўрни яратадиган тадбиркорлик субъектларига имтиёзли кредитлар бериш;
-тадбиркорлик субъектларига берилган имтиёзли кредитларнинг сўндирилиш муддатларини узайтириш;
-лойиҳани амалга ошириш ва янги иш ўрни яратиш мақсадида имтиёзли кредит олган ва кредит маблағларини мақсадсиз сарфлаган тадбиркорлик субъектларига қонуний таъсир чораларини кучайтириш.